RTÉ Raidió na Gaeltachta
Seirbhís lán-Ghaeilge raidió is ea RTÉ Raidió na Gaeltachta (nó go neamhfhoirmeáilte RnaG), a thosaigh ag craoladh ó Chasla, Conamara ar Dhomhnach Cásca, 1972.[1] Cé gur ar phobail Ghaeltachta is mó a dhéanann sé freastal, tá an-líon éisteoirí aige go náisiúnta agus go hidirnáisiúnta.[2]
| Sonraí | |
|---|---|
| Cineál | stáisiún raidió raidió idirlín  |
| Stair | |
| Dáta a bunaíodh | 1972 |
| Rialachas corparáideach | |
| Ceanncheathrú | |
| Úinéir | Raidió Teilifís Éireann |
| Cuid de | Raidió RTÉ |
| Suíomh gréasáin | http://www.rte.ie/rnag |
    | |
Tá fáil ar an stáisiún ar fud Phoblacht na hÉireann ar an ard-mhinicíocht (FM), ar an meántonn sa Ghaeltacht fhéin, ar chóras satailíte ar fud na hEorpa, agus ar an idirlíon. Craoltar ar 92-94 agus ar 102.7 fm é ar oileán na hÉireann.
Eagraíocht
cuir in eagarIs cuid den tseirbhís chraoltóireachta phoiblí RTÉ é Raidió na Gaeltachta.
Tá trí phríomhstiúideo ag RnaG: Casla, Conamara; Bóthar na Léinsí, Corca Dhuibhne; Gaoth Dobhair, Tír Chonaill, maille le slám stiúideonna beaga i nGaeltachtaí eile timpeall na hÉireann.
Mar spraoi, tugtar "Garraí Pheter William" ar cheanncheathrú Raidió na Gaeltachta go fóill i gcuimhne ar ainm na háite sular tógadh foirgneamh an stáisiúin.
Fógraíocht
cuir in eagarSa bhliain 2024, chuir RnaG tús le déanaí le fógraí ar íocaíocht a chraoladh, an chéad uair a ceadaíodh a leithéid ó bunaíodh an stáisiún 50 bliain ó shin. Chuir RTÉ Raidió na Gaeltachta deireadh leis an gcosc a bhí ag an stáisiún ar fhógraíocht ar íocaíocht ó bunaíodh é i 1972 mar gheall ar an dualgas reachtúil nua atá ar chomhlachtaí poiblí méid áirithe fógraí a chur i nGaeilge. Faoin reachtaíocht teanga tá ar chomhlachtaí poiblí 20% dá bhfógraíocht a dhéanamh i nGaeilge gach bliain agus 5% dá mbuiséad fógraíochta a chaitheamh ar fhógraí ar na meáin Ghaeilge.[3]
Ach bhí caint tarraingthe ag droch-chaighdeán na teanga agus na foghraíochta ar chuid de na fógraí stáit sin. Bhí chuid de na fógraí a chraoladh ar Raidió na Gaeltachta “dothuigthe”. Anois ní craoltar aon fhógra ar an stáisiún mura bhfuil caighdeán na Gaeilge agus na foghraíochta ann ‘sách ard’.[3]
Stair
cuir in eagarBhí 28 Márta 1970 ina lá stairiúil do phobal na Gaeltachta agus na Gaeilge nuair a thosaigh an stáisiún bradach, Saor-Raidió Chonamara ag craoladh ar Dhomhnach Cásca 1970.[4] Dhá bhliain níos déanaí, thosaigh Raidió na Gaeltachta ag craoladh ó Chasla ar Dhomhnach Cásca, 1972.
Ón bhliain 2000 amach tá an stáisiún ag craoladh 24 uair sa lá.
Craoltóirí
cuir in eagarI measc na gcraoltóirí ata ag obair sa stáisiún tá Máirtín Tom Sheáinín agus Rónán Mac Aodha Bhuí.
Sceideal
cuir in eagarSeo mar a bhí sceideal an stáisiúin ar 28 Aibreán, 2016[5].
| Lá | Am | Clár | Láithreoir |
|---|---|---|---|
| Luan - Aoine | 07:00-8:00 | Nead na Fuiseoige | Gráinne Ní Dhomhnaill |
| 08:00-9:00 | Adhmhaidin | Gormfhlaith Ní Thuairisg | |
| 09:15-10:15 | Iris Aniar | Eibhlín Ní Chonghaile | |
| 10:15-11:00 | Sinéad Ar Maidin | Sinéad Ní Uallacháin | |
| 11:00-12:00 | Barrscéalta | Áine Ní Churráin | |
| 12:08-13:00 | An Saol ó Dheas | Helen Ní Shé Mícheál Ó Sé Aogán Ó Muircheartaigh | |
| 13:00-14:00 | Nuacht a hAon | Bríd Ní Chualáin | |
| 14:00-15:00 | Ardtráthnóna | Máirtín Tom Sheáinín | |
| 15:00-16:00 | Rónán Beo@3 | Rónán Mac Aodha Bhuí | |
| 16:10-17:00 | Cóisir Cheoil | Dónall Mac Ruairí | |
| 17:00-17:55 | Cormac Ag a Cúig | Cormac Ó hEadhra |
Podchraoltaí
cuir in eagarI rith na stocaireacht roimh Olltoghchán 2024 ó dheas, chuir RnaG an podchraoladh An Pod Polaitiúil ar bun chun "an t-eolas is déanaí faoi na vótaí, tacaíocht na n-iarrthóirí éagsúla agus staid na bpáirtithe a chur i láthair an phobail."[6]
Féach freisin
cuir in eagarTagairtí
cuir in eagar- ↑ Dara Ó Cinnéide (2022-04-01). "Leathchéad bliain ag éisteacht is ag insint, sé ‘teach na Gaeilge’ i gcónaí é Raidió na Gaeltachta" (ga-IE). Tuairisc.ie. Dáta rochtana: 2024-04-27.
- ↑ Risteard O. Glaisne. "Raidio na Gaeltachta".
- ↑ 3.0 3.1 Nuacht RTÉ (2024-05-17). "Raidió na Gaeltachta le deireadh a chur le fógraí Gaeilge ‘dothuigthe’" (ga-IE). Tuairisc.ie. Dáta rochtana: 2024-05-18.
- ↑ Jerry White (2009-11-17). "The Radio Eye: Cinema in the North Atlantic, 1958-1988" (as en). Wilfrid Laurier Univ. Press.
- ↑ http://www.rte.ie/rnag/
- ↑ Máirín Ní Ghadhra (15 Samhain 2024). "RTÉ Raidió na Gaeltachta i mbun sraith podcraoltaí toghcháin". RTÉ. Cartlannaíodh an bunleathanach ar 17 Samhain 2024. Dáta rochtana: 17 Samhain 2024.