Niccolò Machiavelli

Údar agus polaiteoir Iodálach ab ea Niccolò Macchiavelli (3 Bealtaine 1469 - 21 Meitheamh 1527). Scríobh sé an leabhar Il Principe (An Prionsa) mar shaghas treoirleabhair do phrionsa Iodálach ar conas an stát a rialú. Tugann an tráchtas comhairle neamhscrupallach.

Niccolò Machiavelli

Ainm sa teanga dhúchais	(it) Niccolò di Bernardo dei Machiavelli
Beathaisnéis
Breith	3 Bealtaine 1469 Flórans
Bás	21 Meitheamh 1527 58 bliana d'aois Sant'Andrea in Percussina (Poblacht Fhlórans)
Siocair bháis	Peireatóiníteas
Áit adhlactha	Basilica of Santa Croce (en)
Faisnéis phearsanta
Reiligiún	Caitliceachas
Scoil a d'fhreastail sé/sí	Ollscoil Flórans
Gníomhaíocht
Réimse oibre	Fealsúnacht
Suíomh oibre	An Iodáil
Gairm	scríbhneoir, teoiricí míleata, aistritheoir, file, taidhleoir, teoiricí polaitiúil, staraí, fealsamh, polaiteoir, drámadóir
Gluaiseacht	An tArd-Renaissance
Teangacha a labhraíonn nó a scríobhann sé/sí	An Iodáilis agus An Tuscáinis
Saothar
Saothar suntasach (1513) An Prionsa (1531 (Féilire Ghréagóra)) Discorsi sopra la prima Deca di Tito Livio
Teaghlach
Céile	Marietta
Páiste	Piero Macchiavelli, Ludovico Macciavelli, Bernardo Macciavelli, Bartolomea Macciavelli, Guido Machiavelli
Athair	Bernardo di Niccolò Machiavelli  agus Bartolomea di Stefano Nelli
Siblín	Totto Machiavelli
Duine muinteartha	Niccolò Machiavelli (en) (col ceathair fir)
Síniú

Machiavelli le Cristofano di Papi dell'Altissimo, Palazzo Doria Pamphilj, Roma

Saol

Ba dhlíodóir é a athair i gcathairstát Fhlórans. Níl mórán eolais againn faoina shaol go dtí go ndearnadh rúnaí agus Dara Seansailéir Fhlórans de i 1498. Lean sé sa phost sin go dtí 1512.

Seoladh ar mhisin go dtí an Fhrainc, an Ghearmáin agus na cathairstáit Iodálacha eile é.

I 1512 d'fhill na Medici ar Fhlórans agus briseadh as a phost é. Cuireadh faoi ghlas agus céasadh é, roimh dhul go dtí a fheirm i San Casciano lena bhean chéile agus a seisear clainne, áit a dhírigh sé é féin ar an scríbhneoireacht agus an staidéar. Scríobh sé an leabhar An Prionsa ag an am seo. I 1520 bronnadh airgead air chun stair chathair Fhlórans a scríobh. Chríochnaigh sé an leabhar seo sa bhliain 1525.

D'fhill sé ar an saol poiblí ar feadh tamaill roimh a bhás. Chomhoibrigh sé go dlúth leis na Medici agus an Pápa Cléimeans VII. Ach bhí fadhbanna aige nuair a fógraíodh poblacht i bhFlórans sa bhliain 1527. Thit sé tinn agus fuair sé bás (níl muid cinnte céard a tharla) go gairid ina dhiaidh sin, in,aois 58.

"Niccolò Machiavelli"

Naisc sheachtracha

• Téacs An Prionsa, as Béarla