Ráig foréigin i dTuaisceart Éireann, Bealtaine 1974
Ar 7 Bealtaine 1974 thosaigh Óglaigh Uladh nó an "Drong Ghleann Anna” ag marú daoine neamhchiontacha as éadan i dTuaisceart Éireann le linn na dTrioblóidí.[1].
| Príomhábhar | na Trioblóidí  |
|---|---|
| Tír | Tuaisceart Éireann |
Cúlra
cuir in eagarBhí feidhmeannas comhroinnte cumhachta (Comhaontú Sunningdale) i réim san am sin. Bhí na dílseoirí glan ina haghaidh; rinne an daonlathú agus an próiseas síochána dochar do sheasamh na dílseoirí, agus a gcuid pribhléidí faoi bhagairt. Bhí an teannas ag cur thar maoil i dTuaisceart Éireann. Bhí an fuath seicteach taobh thiar den slad chomh maith.
Phléasc ceanastarbhuama ag an teach tábhairne, Rose & Crown, ar 2 Bealtaine 1974 i mBéal Feirste. Maraíodh seisear (Caitlicigh go léir). Ciontaíodh beirt níos déanaí, déagóirí in aois 16 dóibh ag an am. Dúradh leo ionsaí a dhéanamh ar Chaitlicigh.
Tharla Buamálacha Bhaile Átha Cliath agus Mhuineacháin seachtain níos déanaí, ar 17 Bealtaine 1974.
Imeachtaí
cuir in eagar- Ar 7 Bealtaine 1974, scaoileadh James Devlin (45) agus a bhean, Gertrude Devlin (44), beirt sibhialtach Caitliceach, marbh ag Óglaigh Uladh agus iad ag tiomáint isteach i lána a dtí, sa Chongó, Éadán na dTorc (Edendork),[2] Contae Thír Eoghain. Bhí an t-ionsaí nasctha le “drong Ghleann Anna”. Gortaíodh a n-iníon, Patricia. Ciontaíodh fear as an UDR, William Thomas Leonard (20).[3] Bhí mírialtachtaí ollmhóra sa phróiseas agus glacadh leis go raibh na húdaráis sáite ann.[3]
- Ar an lá céanna, lámhachadh Patrick Jago (55) agus Frederick Leonard (19), tógálaithe agus Caitlicigh ag obair ar Bhóthar Bhaile Dubh, Carn Monaidh, Contae Aontroma.
- An lá dár gcionn, scaoileadh Francis Rowe, (40) Caitliceach, ar bhóthar Kingsmoss, i nGleann Ghormlaithe.
- Ar 10 Bealtaine, mharaigh an IRA beirt as an RUC, John Ross (40) agus Brian Bell (29), ar phatról coise i mBéal Feirste.
Féach freisin
cuir in eagarNaisc sheachtracha
cuir in eagar- Cartlann Coimhlinte TÉ ar an Idirlíon Curtha i gcartlann 2011-06-08 ar an Wayback Machine
Tagairtí
cuir in eagar- ↑ "CAIN: Sutton Index of Deaths". cain.ulster.ac.uk. Dáta rochtana: 2023-11-06.
- ↑ "Éadan na dTorc/Edendork" (ga). logainm.ie. Dáta rochtana: 2023-11-06.
- ↑ 3.0 3.1 Patricia Devlin / Gerry Moriarty (2021). "‘They removed a bullet from my face, my shoulder, my leg and my right hand’" (en). The Irish Times. Dáta rochtana: 2023-11-06.