Réigiún na Vallúine

Réigiún i ndeisceart na Beilge is ea Réigiún na Vallúine (Fraincis: Région wallonne, Gearmáinis: Wallonische Region, Ollainnis:Waals gewest). An Fhraincis is mó a labhraítear sa réigiún ar na saolta seo, ach ina dhiaidh sin féin chloisfeá seanchanúint an réigiúin, an Vallúinis, in áiteanna i gcónaí. Ceann de na langues d'oïl í an Vallúinis, is é sin, teanga a bhfuil gaol réasúnta dlúth aici leis an bhFraincis. Labhraítear Gearmáinis in oirthear na Vallúine, agus tá rialtas áirithe dúchais ag lucht na Gearmáinise i gcúrsaí cultúrtha: go bunúsach, soláthraíonn Pobal Gearmáinise na Beilge, nó an Deutschsprachige Gemeinschaft, an scolaíocht agus rudaí bainteacha do na cainteoirí Gearmáinise, díreach mar a sholáthraíonn Pobal Fraincise na Beilge na seirbhísí céanna do lucht labhartha na Fraincise. Tabhair faoi deara gur forais ar leith iad na "pobail" fhéinrialaitheacha seo nach ionann iad agus an Vallúin mar réigiún.

Réigiún na Vallúine
Bratach
Aintiún	Le Chant des Wallons (23 Iúil 1998)
Ainmnithe in ómós	an Vallúin
Suíomh
50° 21′ N, 5° 16′ E
Stát ceannasach	an Bheilg
Príomhchathair	Namur
Daonra
Iomlán	3,645,243 (2020)
• Dlús	216.41 hab./km²
Teanga oifigiúil	an Fhraincis an Ghearmáinis
Tíreolaíocht
Cuid de	an Bheilg
Achar dromchla	16,844 km²
Airde	163 m
Pointe is airde	Signal de Botrange (694.24 m)
Ar theorainn le	Réigiún Fhlóndras Limburg Tuaisceart na Réine agus an Viostfáil Rheinland-Pfalz Champagne-Ardenne (–2015) Hauts-de-France (2016–) Alsace-Champagne-Ardenne-Lorraine (2016–)
Sonraí stairiúla
Cruthú	8 Lúnasa 1980
Eagraíocht pholaitiúil
Comhlacht reachtach	Parlaimint na Vallúine
• Aire-Uachtarán na Vallúine	Elio Di Rupo (2019–)
Aitheantóir tuairisciúil
Lonnaithe i gcrios ama	UTC+01:00
Cód ISO 3166-2	BE-WAL
Cód NUTS	BE3
Eile
Suíomh gréasáin	wallonie.be

Bhí cónaí ar thuairim is trí mhilliún go leith de dhaoine sa Vallúin i dtús na bliana 2015. Is é Namur príomhchathair an réigiúin, ach is é Charleroi an chathair is mó daonra.