Robert Clive

Saighdiúir agus polaiteoir Sasanach ab ea an Maorghinearál agus Tiarna Robert Clive nó "Clive of India" (29 Meán Fómhair 1725 - 22 Samhain 1774). D'athraigh Clive cúrsa na staire nuair a chuir sé India faoi chois sna 1750-1760idí. D'éirigh Clive thar a bheith saibhir dá bharr.

Robert Clive

Beathaisnéis
Breith	29 Meán Fómhair 1725 Shropshire, England
Bás	22 Samhain 1774 49 bliana d'aois Londain, England
Siocair bháis	Féinmharú (Easfhuiliú)
Áit adhlactha	Shropshire
Lord Lieutenant of Shropshire (en)
4 Samhain 1772 – 22 Samhain 1774
Ball de 14ú Parlaimint na Breataine Móire
Téarma parlaiminte: 14th Parliament of Great Britain (en)
Ball de 13ú Parlaimint na Breataine Móire
Téarma parlaiminte: 13th Parliament of Great Britain (en)
Ball de 12ú Parlaimint na Breataine Móire
Téarma parlaiminte: 12th Parliament of Great Britain (en)
Ball de 11ú Parlaimint na Breataine Móire
Téarma parlaiminte: 11th Parliament of Great Britain (en)
Faisnéis phearsanta
Scoil a d'fhreastail sé/sí	Merchant Taylors' School (en)
Gníomhaíocht
Suíomh oibre	Beangál
Gairm	polaiteoir, oifigeach míleata, saighdiúir
Tréimhse oibre	1746 –
Ball de	An Cumann Ríoga
Teangacha	Béarla
Gairm mhíleata
Brainse míleata	Cos-slua
Céim mhíleata	maorghinearál
Coinbhleacht	Carnatic wars (en) , Cath Chandannagar agus Cath Plassey
Saothar
Suíomh a chartlainne	Leabharlann Náisiúnta na Breataine Bige
Eile
Teideal uasal	Barún Clive (1762–1774) Barún
Céile	Margaret Clive (1753–)
Páiste	Edward Clive, Céad Iarla Powis, Charlotte Clive, Margaret Clive, Elizabeth Clive, Rebecca Clive, Richard Clive, Jane Clive, Robert Clive
Athair	Richard Clive  agus Rebecca Gaskell
Siblín	William Clive
Gradam a fuarthas  Comhalta den Chumann Ríoga  Order of the Bath (en)

Tharraing Clive conspóid lena bheo agus lena mharbhː laoch náisiúnta sa Bhreatain inniu do dhaoine áirithe, agus impiriúlaí agus tíoránach cruálach do dhaoine eile, agus é freagrach as "éigniú India"

pictiúir a rinneadh sa 19ú haois

Saol

Robert Clive ag casadh le Mir Jafar, Cath Plassey, le Francis Hayward, 1760

Rugadh Clive ar 29 Meán Fómhair 1725 in aice le Market Drayton, Shropshire. Bhí deacrachtaí ag Clive ar scoil. Athraíodh ó scoil go scoil é.

India

Cuireadh é go Madras mar cúntóir don Chomhlacht na hIndiacha Thoir nuair a bhí sé ocht mbliana déag d'aois, sa bhliain 1744. Bhí caidreamh corrach aige lena chomhghleacaithe agus rinne sé iarracht lámh a chur ina bhás féin.

Shah Alam (impire Mughal) agus Clive (pictiúr a rinneadh sa bhliain 1781)

Chuaigh sé sna saighdiúirí leis an gComhlacht sa bhliain 1746, ag troid in aghaidh na bhFrancach agus na "ndúchasach".

Sa bhliain 1751, agus in aois 25 dó, chum Clive seift chun cathair Arcot a ghabháil ó Chanda Sahib, ceannaire áitiúil. Bhí cáil ar Clive ar fud na hEorpa tar éis an chatha seo.

1765:  Shah Alam (impire Mughal) ag géilleadh do Clive

Rinneadh gobharnóir de Clive ar Fort St David, ionad tábhachtach míleata de chuid na Breataine san India. Throid sé cathanna eile a mhéadaigh cumhacht na Breataine sa tír.

D'fhill Clive don chéad uair ar an mBreatain i 1753. Chaith sé seal sa Pharlaimint 1754-1755.

Plassey

Troideadh cath Plassey sa bhliain 1757, agus in aois 31 do Clive, tháinig an tír faoi smacht an Chomhlachta, go hiomlán beagnach (tháinig fo-ilchríoch na hIndia faoina smacht nuair a troideadh Cath Buxar in 1764)

Chuaigh Clive ar ais don dara huair go Sasana i 1760, é saibhir agus ardchlú air. D'éirigh leis stíl shoiléir bhríomhar Béarla a fhorbairt agus bhí ardmheas ar a chumas óráidíochta nuair a bhí sé sa pharlaimint. Ardaíodh go Teach na dTiarnaí é sa bhliain 1762. Cheannaigh Clive an-chuid talún ag an am seo.

1764: An Tiarna Clive (Shah Alam II, impire Mughal sa chúlra), pictiúr le Charles Clive

Gobharnóir

Chuaigh Clive ar ais chun na hIndia i 1764 mar Ghobharnóir ar Bheangál agus rinne leasú ar an státseirbhís a bhí curtha ar bun ansin.

Theip ar a shláinte ar fad agus chuaigh sé ar ais go Sasana in 1767, don tríú uair. Cuireadh fiosrúchán ar bun faoi chaimiléireacht i Westminster agus cuireadh ina leith gur bhain Clive mí-úsáid as an muinín a chuir daoine ann mar Ghobharnóir, srl.

Bhris gorta amach sa Bheangál idir 1769 - 1773 agus polasaithe an Chomlachta freagrach as.

Laoch sa Bhreatainː dealbh i Londain inniu

Bás

Bhí sláinte Clive go dona (bhí clocha domlais ag gabháil dó). Bhí an-dúil ag Clive san óipiam. Fuair sé bás ar an 22 Samhain 1774. Níl a fhios céard ba chúis leis; ghlac sé ródháileog agus taom croí, b'fhéidir. Ní raibh ach 48 mbliana slánaithe aige.