Turcaí

Is éan mór sa ghéineas Meleagris é an turcaí, cosúil le piasún, dúchasach do Mheiriceá Thuaidh agus Láir. Tá turcaithe i measc na n-éan is mó ina raon.

Turcaí

Meleagris
Taifead
Sonraí
Is foinse é an tacsón seo de	feoil turcaí
Tacsanomaíocht
Aicme	Aves
Ord	Galliformes
Fine	Phasianidae
Fofhine	Meleagridinae
Géineas	Meleagris L., 1758
Ainmníocht
Ainmnithe in ómós	Peiriú

Speiceas

Tá dhá speiceas turcaí ann:

• an turcaí fiáin (Meleagris gallopavo) in oirthear agus lár Mheiriceá Thuaidh, agus
• an turcaí súileach (Meleagris ocellata) ar Leithinis Yucatán i Meicsiceo.

Tréithe

• A cheann nocht. An fireannach le filleadh crochta craicinn ag bun a ghoib agus spor starraiceach ar gach cos. Tá sprochaille sainiúil ag fireannaigh den dá speiceas turcaí, atá ar crochadh ó bharr an ghoib.
• Mar is amhlaidh le go leor éan mór a itheann ar an talamh (ord Galliformes), tá na cinn fhireanna níos mó agus i bhfad níos dathúla ná na cinn bhaineanna.
• Áitríonn sé coillearnach mheasctha. Uiliteach. A chlúmh dorcha breac, ach na saghsanna saothraithe níos éadroime.

Stair

Tháinig na turcaithe is luaithe chun cinn i Meiriceá Thuaidh breis is 20 milliún bliain ó shin. Roinneann siad sinsear coitianta le cearca fraoigh, le piasúin, agus le héanlaith eile. Is é an turcaí fiáin sinsear an turcaí clóis, a ceansaíodh timpeall is 2,000 bliain ó shin, b'fhéidir.

Anois bíonn an turcaí an-choitianta mar éanlaith clóis, i gcomhair na Nollag go háirithe.

Comparáid

Tá sicíní agus turcaithe cosúil lena chéile maidir le dhá phríomhthréith. Tá cosa ar a dtugtar crúibíní ag an dá cheann acu. Tá na crúibíní seo an-láidir agus úsáideann siad iad chun tochailt sa chré chun bia a fháil. Ina theannta sin tá goba géara ag an dá cheann acu chun bheith ag gobadh ar fheitheidí agus ar ghráinní.

Féach freisin

• Sicín
• Curasó
• Dódó
• Piasún