William Matthew Flinders Petrie
Éigipteolaí Sasanach agus Ollamh le hÉigipteolaíocht i gColáiste na hOllscoile, Londain ab ea William Matthew Flinders Petrie (3 Meitheamh 1853 - 28 Iúil 1942).
| William Matthew Flinders Petrie | |||
|---|---|---|---|
 | |||
| |||
| Saol | |||
| Eolas breithe | Charlton, 3 Meitheamh 1853 | ||
| Náisiúntacht | An Ríocht Aontaithe | ||
| Bás | Iarúsailéim, 28 Iúil 1942 | ||
| Áit adhlactha | Mount Zion Cemetery, Jerusalem (en)  | ||
| Cúis bháis | (maláire) | ||
| Muintir | |||
| Athair | William Petrie | ||
| Máthair | Anne Flinders | ||
| Céile/Céilí | Hilda Petrie | ||
| Páistí | liosta iomláin
| ||
| Oideachas | |||
| Mic léinn dochtúireachta | Edward R. Ayrton (en) | ||
| Teangacha | an Béarla | ||
| Mic léinn | Margaret Murray James Quibell Ione Gedye | ||
| Gairm | |||
| Gairm | éigipteolaí, seandálaí agus scríbhneoir | ||
| Fostóirí | University College London | ||
| Saothar iomráiteach | Merneptah Stele (en) | ||
| Duaiseanna | |||
| Ballraíocht | Cumann Ríoga Acadamh Ríoga na Sualainne um Eolaíocht Acadamh Ríoga Litríochta, Staire, agus Seaniarsmaí na Sualainne | ||
| Cleamhnú | |||
| Reiligiúin | Anglacánachas | ||
.svg){kind=small}
Baisteadh é as a sheanathair, an Captaen Matthew Flinders, taiscéalaí a rinne an chéad léarscáil iomlán de chósta na hAstráile.
Sa bhliain 1883 d'iarr Amelia Edwards air turas a dhéanamh ar son Chiste Taiscéalaíochta na hÉgipte (Egypt Exploration Fund), ciste a bhí sí tar éis a chur ar bun. Faoin mbliain 1884 bhí sé i mbun oibre. Ní raibh sé ar aon intinn le coiste an Chiste, dream a raibh drochmheas aige orthu mar mhaorlathaigh neamhinniúla. D'éirigh sé as a phost sa bhliain 1886 agus d'oibrigh ina aonar ar feadh seacht mbliana fichead sna háiteanna ba thábhachtaí sa tír.
Meastar gurbh eisean a bhunaigh Éigipteolaíocht an lae inniu, ós eisean ba thúisce a bhain feidhm as modhanna eolaíocha san Éigipt, leithéid na strataimeolaíochta: baintear rudaí amach dá réir ó shraith i ndiaidh sraithe (seift a ligeann duit iad a dhátú níos cruinne). Sin mar a dhéantar fós é.
Rinne Petrie tochailt in dhá cheann déag de na láithreáin Éigipteacha ba mhó. Orthu sin bhí reilig Hauwarâ el-Maqta sa Fayoum, áit ar fhág sárphortráidí na marbh clú uirthi, Tell al-Amarna, príomhchathair Aichéanatan, agus pirimid Meïdoum. Rinne sé tochailt an-chúramach i bpirimid mhór Giza ó 1880 go 1883, agus eisean a tháinig ar na blúirí de dhealbh ollmhór de Raimséas sa bhliain 1884. Rinneadh ball den Chumann Ríoga de sa bhliain 1902. Cailleadh in Iarúsailéim é, áit a raibh sé i mbun tochailte ón mbliain 1927 amach. Bhí os cionn dhá scór imleabhar de thuairiscí scríofa aige agus beagnach naoi gcéad alt agus léirmheas.