Éileamh ceimiceach ar ocsaigin

Sa cheimic chomhshaoil, is miosúr táscach é an t-éileamh ceimiceach ar ocsaigin (ÉCO) den mhéid ocsaigine is féidir a ídiú ag imoibrithe i dtuaslagán tomhaiste. Cuirtear in iúl go coitianta é i mais na hocsaigine a ídítear de réir toirte an tuaslagáin, arb é atá in aonaid SI ná milleagram in aghaidh an lítir (mg/L). Is féidir tástáil ÉCO a úsáid chun méid na n- orgánach in uisce a chainníochtú go héasca. Is é an cur i bhfeidhm is coitianta atá ag ÉCO ná méid na dtruailleán in- ocsaídithe a fhaightear in uisce dromchla (e.g. lochanna agus aibhneacha) nó fuíolluisce a chainníochtú. Tá ÉCO úsáideach i dtéarmaí bainistithe cáilíocht uisce trí mhéadracht a sholáthar chun an éifeacht a bheidh ag eisilteach ar an dtimpeallacht ghlactha a chinneadh, a leithéid agus an t-éileamh bithcheimiceach ocsaigine (ÉBO)

Forbhreathnú

Is é bunús na tástála ÉCO ná gur féidir beagnach gach comhdhúil orgánach a ocsaídiú go hiomlán le dé-ocsaíd charbóin le gníomhaire ocsaídiúcháin láidir faoi dhálaí aigéadacha. Tugtar an méid ocsaigine atá riachtanach chun comhdhúil orgánach a ocsaídiú go dé-ocsaíd charbóin, amóinia agus uisce trí:

${\mbox{C}}_{n}{\mbox{H}}_{a}{\mbox{O}}_{b}{\mbox{N}}_{c}+\left(n+{\frac {a}{4}}-{\frac {b}{2}}-{\frac {3}{4}}c\right){\mbox{O}}_{2}\rightarrow n{\mbox{CO}}_{2}+\left({\frac {a}{2}}-{\frac {3}{2}}c\right){\mbox{H}}_{2}{\mbox{O}}+c{\mbox{NH}}_{3}$

Ní chuimsíonn an slonn seo an t-éileamh ocsaigine de bharr nítriúcháin, ocsaídiú amóinia go níotráit:

${\mbox{N}}{\mbox{H}}_{3}+2{\mbox{O}}_{2}\rightarrow {\mbox{N}}{\mbox{O}}_{3}^{-}+{\mbox{H}}_{3}{\mbox{O}}^{+}$

Ní ocsaídíonn déchromáit, an gníomhaire ocsaídiúcháin chun ÉCO a chinneadh, amóinia go níotráit, mar sin ní chuirtear nítriúchán san áireamh sa tástáil chaighdeánach ÉCO.

Déanann an Eagraíocht Idirnáisiúnta na gCaighdeán cur síos ar mhodh caighdeánach chun an t-éileamh ceimiceach ar ocsaigin a thomhas in ISO 6060 [1]

Naisc sheachtracha

• ISO 6060: Water quality - Determination of the chemical oxygen demand