An Chreimil

Is í an Chreimil an daingean istigh i Moscó, ina bhfuil cónaí ar Uachtarán na Rúise. Is éard is bunús leis an bhfocal sin ná Кремль ("Kreml'") na Rúisise, a chiallaíonn "dúnfort", go háirithe dúnfort i gcroílár na cathrach. Bíonn "creimileanna", nó dúnfoirt den chineál seo, i seanchathracha Rúiseacha eile freisin, ach is í an Chreimil i Moscó an ceann a aithníonn na daoine lasmuigh den Rúis.

WD Bosca Sonraí Foirgneamh An Chreimil
Lipéad sa teanga dhúchais	(ru) Московский Кремль
Sonraí
Cineál	Creimil, ceantar stairiúil, díol spéise do thurasóirí, foirgneamh rialtais, áras oifigiúil agus díol suntais ailtireachta
Cuid de	An Chreimil agus an Chearnóg Dhearg
Ailtire	Aristotile Fioravanti Palace of Facets (en) Aloisio da Milano Pietro Antonio Solari
Foirgníocht	1420
Úsáid	áras oifigiúil
Croineolaíocht
	ionsaí dróin ar an gCreimlín, 2023
Tréith
Achar dromchla	27.5 ha
Suíomh geografach
Limistéar riaracháin	Moscó, An Rúis agus Tverskoy District, An Rúis (en)
Suíomh	Кремль
55° 45′ 06″ N, 37° 37′ 04″ E
Codanna	Tsarskaya Tower (en)
Cuid de Shuíomh Oidhreachta Domhanda UNESCO
Am	1990 (14ú Seisiún)
Federal cultural heritage site in Russia (en)
Federal cultural heritage site in Russia (en)
Tsarskaya Tower
Suíomh gréasáin oifigiúil	kreml.ru

Stair

Luadh an Chreimil i Moscó an chéad uair riamh i gcáipéis ón mbliain 1331. Roimhe sin, bhain na scríbhneoirí úsáid as an bhfocal grad - focal ón tSean-Slaivis Eaglasta a chiallaíonn "cathair", cosúil le "gorod" na Rúisise. Bhí dúnfort de chineál éigin ansin sa dóú haois déag, ar a laghad.

Tá a fhios againn gur dhaingnigh agus gur fhairsingigh an Prionsa Yuri Dolgorukiy (nó "Seoirse Lámhfhada") an grad go mór sa bhliain 1156. D'ionsaigh na Mongólaigh Moscó sa bhliain 1237, agus chuir siad an dúnfort trí thine.

San am sin, bhí na Rúisigh i dtuilleamaí adhmaid le tithe a thógáil, agus mar sin, bhí sé furasta an Chreimil a dhó.

hAtógadh an Chreimil in athuair sa bhliain 1339, as dair.

An Chreimil

Ba é Ivan Kalita ("Eoin an Spliúcháin"), prionsa Mhoscó, a thóg na chéad fhoirgnimh chloiche sa Chreimil sna 1320idí agus sna 1330idí.