Anailís bhunúsach

I gcúrsaí gnó, ráiteas a léiríonn luach gnólachta de réir na gcuntas agus cúinsí suntasacha eile is ea anailís bhunúsach. Tá cur chuige ó bhun aníos ann (na sonraí airgeadais go háirithe) agus cur chuige ó bharr anuas ann (an comhthéacs maicreacnamaíoch agus an tionchar ar chúrsaí).

Clár comhardaithe - Samplaː An Cumann Fiseolaíoch Ríoga sa bhliain 1911

Is mór idir anailís bhunúsach agus mar shampla, anailís theicniúil nó anailís uimhriúil ar chomhlachtaí.

Léiríonn an anailís bhunúsach luach an ghnólachta. Thig le gnólachtaí eile, agus daoine eile an t-eolas seo a úsáid chun cinneadh a dhéanamh, mar shampla, faoi iasacht a thabhairt dóibh nó chun scaireanna a cheannach ann. Thig leis an comhlacht é féin an clár comhardaithe agus an anailís bhunúsach a úsáid chun cinneadh a dhéanamh faoin todhchaí.

Féach freisin

• Clár comhardaithe
• Caipiteal airgid
• Sócmhainn
• Dliteanas (cuntasaíocht airgeadais)