Bismarck, Dakota Thuaidh

Bismarck, Dakota Thuaidh
	;
Ainmnithe in ómós	Otto von Bismarck
Suíomh
	46° 48′ 30″ N, 100° 47′ 02″ O / 46.80833°N,100.78375°W
Stát ceannasach	Stáit Aontaithe Mheiriceá
Stát sna Stáit Aontaithe	Dakota Thuaidh
County of North Dakota (en)	Contae Burleigh
Príomhchathair de	Dakota Thuaidh ; Contae Burleigh ; Críoch Dakota (1883–1889)
Daonra
Iomlán	73,622 (2020)
• Dlús	842.53 hab./km²
Líon na dteaghlach	31,739 (2020)
Tíreolaíocht
Suite san aonán críochach staitistiúil	Bismarck metropolitan area (en)
Achar dromchla	87.381746 km²
• Uisce	1.2257 %
Airde	514 m
Ar theorainn le	Mandan
Sonraí stairiúla
Cruthú	1872
Eagraíocht pholaitiúil
• Méara Bismarck, Dakota Thuaidh	Mike Schmitz (2022–)
Aitheantóir tuairisciúil
Cód poist	58501–58507
Lonnaithe i gcrios ama	an tAmchrios Lárnach
Glaochód	701
Eile
Suíomh gréasáin	bismarcknd.gov

Cathair in iarthar Dakota Thuaidh, sna Stáit Aontaithe is ea Bismarck. Tá an chathair suite ar bhruach thoir Abhainn na Missouri. Is é príomhchathair an stáit é, chomh maith le príomhchathair riaracháin Chontae Burleigh. Is é an dara cathair is mó in Dakota Thuaidh, i ndiaidh Fargo. Sa bhliain 2010, bhí 61,272 duine ina gcónaí sa chathair féin agus 129,517 sa cheantar uirbeach ar fad.

Bunaíodh an chathair sa bhliain 1872 faoin ainm Missouri Crossing, ainm a tugadh uirthi mar chuaigh Merriwether Lewis agus William Clark trasna na Missouri san áit sa bhliain 1805. Sa bhliain 1873 hathraíodh an t-ainm go Bismarck, in onóir Otto von Bismarck, seansailéir na Gearmáine, rud a rinneadh ag súil go dtarraingeofaí lonnaitheoirí ón tír úd chuig an áit. D'éirigh leo. An bhliain ina dhiaidh sin, fuarthas ór sa cheantarr, agus tháinig borradh faoin daonra mar gheall air sin leis.

Sa bhliain 2010 ba de shliocht Gearmánach iad 57.9% de dhaonra na cathrach. Ba de shliocht Ioruach 18.2% de na daoine sa chathair, 7.7% de shliocht Rúiseach agus 7.2% de shliocht Éireannach. Is den chine geal iad 92.4% de lucht na cathrach, céatadán an-ard sna Stáit Aontaithe. Is iad Bundúchasaigh Mheiriceánacha an dara grúpa is mó ann—4.5% den daonra.