Bord Soláthair an Leictreachais

Bord Soláthair an Leictreachais
Sonraí
Cineál	gnó
Stair
Dáta a bunaíodh	1927
Rialachas corparáideach
Ceanncheathrú	Baile Átha Cliath, Éire;
Líon fostaithe	7,870
Fochomhlacht	ESB Networks (en) ; Northern Ireland Electricity (en) ; Electric Ireland (en) ; ESB Energy (en)
Suíomh gréasáin	https://www.esb.ie/

Comhlacht stát-tionscanta in Éirinn is ea Bord Soláthair an Leictreachais nó BSL. Bunaíodh é chun maoirseacht a dhéanamh ar chur an fáil an leictreachas ó bhliain a bhunaithe i 1927.

Is grúpa cuideachtaí leathstáit é anois, lena n-áirítear Líonraí BSL, Electric Ireland, BSL Idirnáisiúnta agus Líonraí Leictreachais Thuaisceart Éireann.^[1] Níl monaplacht ag BS sa mhargadh leictreachais i bPoblacht na hÉireann. Sa bhliain 2016, bhí 95% den chomhlacht faoi úinéireacht an stáit agus an chuid eile mar scaireanna ag fostaithe an chomhlachta.

Stair

Nuair a bunaíodh Saorstát Éireann, ba léir an gá a bhí le forbairt fuinnimh agus cumhachta le cur le forbairt thionsclaíoch an stáit. Chuir innealtóir Éireannach, an Dr. Thomas A. McLoughlin, plean faoi bhráid an Rialtais chun damba a thógáil ar Abhainn na Sionainne agus stáisiún giniúna leictreachais a thógáil ag Ard na Croise chun leas a bhaint as cumhacht an uisce. Ba dhána an togra a bhí á mholadh, ach glacadh leis agus ceapadh an comhlacht Gearmánach Siemens-Schuckert chun an togra a chur i gcrích i 1925. Tosaíodh ar an obair thógála i Meán Fómhair na bliana sin.^[2]

Árd na Croise

Nuair a bhí Scéim na Sionainne á tógáil, ritheadh Acht Bhord Soláthair an Leictreachais tríd an Oireachtas ar mhaithe le bunú Bhord Soláthair an Leictreachais, a bhí le bheith ina chomhlacht corparáideach chun rialáil agus forbairt a dhéanamh ar líonra leictreachais na hÉireann. Achtaíodh an tAcht Leictreachais (Soláthar), 1927,^[3]^[4] ar an 28 Bealtaine 1927.^[5] Chuir an tAcht seo Bord Soláthair an Leictreachais ar bun. Faoin Acht seo, cheap an Rialtas céad chomhaltaí an Bhoird; Cathaoirleach lánaimseartha agus seisear ball eile.

Bhí sé de dhúshlán roimh an gcomhlacht nua comhordú a dhéanamh ar chur ar fáil an leictreachais go náisiúnta, ó bhí breis is 300 soláthraí éagsúil bainteach le soláthar leictreachais in Éirinn ag an am, lenar áiríodh údaráis áitiúla agus gnólachtaí móra. Aistríodh a gcúraimí siúd go rathúil go dtí an comhlacht nuabhunaithe, de réir a chéile.

Scéim leictriú na tuaithe

Ar an 5 Samhain 1946. thosaigh an scéim leictriú na tuaithe i gCill Shalcháin, Contae Bhaile Átha Cliath.

Foinsí Fuinnimh an Chomhlachta

I measc na bhfoinsí fuinnimh neamh-in-athnuaite lena gcuireann BSL cumhacht ar fáil don phobal, tá móin, gual, ola, agus gás.^[6] Is iad na foinsí in-athnuaite ná uisce agus gaoth.

Rannóga an Chomhlachta

Giniúint Cumhachta BSL

Déanann an rannóg seo riaradh ar stáisiúin giniúna an chomhlachta, ag a bhfuil toilleadh suiteáilte iontu d'iomlán 4651MW.

Soláthar Custaiméirí BSL

Cuireann siad seo soláthar leictreachais ar fáil do bhreis is dhá mhilliún custaiméir in Éirinn, ar custaiméirí miondíola tís iad a bhformhór, de réir téarmaí a bhíonn ceadaithe ag an gCoimisiún um Rialáil Fuinnimh

Líonraí BSL

Tá an líonra tarchurtha ard-voltais faoi úinéireacht na rannóige seo de BSL.

BSL Idirnáisiúnta

Is ionann seo agus an chuid idirnáisiúnta de ghnó an chomhlachta. Bíonn an rannóg seo san iomaíocht don obair a bhíonn á tairiscint go hidirnáisiúnta do chomhlachtaí fuinnimh éagsúla.

Bord agus Bainistíocht BSL

Seo rannóg lucht riartha an chomhlachta i gcoitinne.

Naisc Sheachtracha

Suíomh gréasáin oifigiúil BSL

Tagairtí

↑ "UCD School of Law" (ga). www.facebook.com. Dáta rochtana: 2020-05-28.
↑ "Cóip cartlainne". Cartlannaíodh an bunleathanach ar 2009-03-03. Dáta rochtana: 2008-08-12.
↑ Tithe an Oireachtais (1927-03-09). "An tAcht Leictreachais (Soláthar), 1927 – Uimh. 27 de 1927 – Tithe an Oireachtais" (ga). www.oireachtas.ie. Dáta rochtana: 2020-05-28.
↑ Office of the Houses of the Oireachtas House Services Directorate Bills Office. "ACHT LEICTREACHAIS (SOLÁTHAR), 1927" (ga). www.achtanna.ie. Cartlannaíodh an bunleathanach ar 2021-05-28. Dáta rochtana: 2020-05-28.
↑ UCD School of Law. "Pádraig Mac Giollagáin (1889-1979) a bhí freagrach as Bord Soláthair an Leictreachais a chruthú agus é ina Aire Tionscail agus Tráchtála." (ga). www.facebook.com. Dáta rochtana: 2020-05-28.
↑ "Cóip cartlainne". Cartlannaíodh an bunleathanach ar 2008-09-17. Dáta rochtana: 2008-08-12.

[1] "UCD School of Law" (ga). www.facebook.com. Dáta rochtana: 2020-05-28.

[2] "Cóip cartlainne". Cartlannaíodh an bunleathanach ar 2009-03-03. Dáta rochtana: 2008-08-12.

[3] Tithe an Oireachtais (1927-03-09). "An tAcht Leictreachais (Soláthar), 1927 – Uimh. 27 de 1927 – Tithe an Oireachtais" (ga). www.oireachtas.ie. Dáta rochtana: 2020-05-28.

[4] Office of the Houses of the Oireachtas House Services Directorate Bills Office. "ACHT LEICTREACHAIS (SOLÁTHAR), 1927" (ga). www.achtanna.ie. Cartlannaíodh an bunleathanach ar 2021-05-28. Dáta rochtana: 2020-05-28.

[5] UCD School of Law. "Pádraig Mac Giollagáin (1889-1979) a bhí freagrach as Bord Soláthair an Leictreachais a chruthú agus é ina Aire Tionscail agus Tráchtála." (ga). www.facebook.com. Dáta rochtana: 2020-05-28.

[6] "Cóip cartlainne". Cartlannaíodh an bunleathanach ar 2008-09-17. Dáta rochtana: 2008-08-12.

[1]

[2]

[3]

[4]

[5]

[6]