Osclóidh seo an príomhroghchlár
Áth an Mhuilinn
Milford.jpg
Béarla: Milford
Bunaithe: 1999
Contae: Luimneach
Roinn: Cathrach
Peil: Sóisear A
Iomáint: Sóisear B
Dathanna: Gorm is dubhghorm
Páirc: Faiche na Rós, Caladh Uí Threoigh, Luimneach
Geansaí Geansaí Geansaí
Brístí gearra
Stocaí
Dathanna
City parish.gif
Milford club.gif
Páirceanna inar imriodh cluichí Gaelacha i bParóistí Mhóin a’Lín agus Áth an Mhuilinn ó bhlianta na 1880í.

Is club Cumann Lúthchleas Gael i gContae Luimnigh é CLG Áth an Mhuilinn.

SuíomhCuir in Eagar

Tá an club bunaithe i bparóiste Mhuire Cúnamh na gCríostaithe timpeall Ollscoil Luimnigh i mbruachbhailte Caladh Uí Threoigh agus Áth na Coite ar thaobh thoir Cathair Luimnigh idir abhainn na Grúdan, na Sionainne agus na Maoilchéirne agus Bóthar Bhaile Átha Cliath. Toisc ná fuil ach daonra beag áitiúil sa pharóiste anois, tagann an-chuid dá imreoirí as contaetha eile.

CluichíCuir in Eagar

Bhi traidisiun na hiomána níos láidre sa cheanntar ó bhunú CLG suas go dti blianta na 1970í nuair a leathnaigh bruachbhailte na cathrach amach chuig Calaidh Uí Threoigh. Imrítear peil agus iomáint ach tá an pheil níos láidre sa chlub.

StairCuir in Eagar

Tá tagairtí ann faoi chluiche iomána a imríodh sa pharóiste i bpáirc in aice Crosbhóthar Chill Mhuire (san áit a bhfuil an Kilmurry Lodge Hotel suite anois) sa bhliain 1887 idir Máigh Rua agus Béal Átha Shiomóin. Bhí club ar leith dárbh ainm Cill Mhuire sa cheanntar le linn blianta tosaigh CLG agus bhí club eile as Áth na Coite ag imirt faoin ainm Craobh Emmet san am chéanna. Tá tuairiscí ann i nuachtáin an tráth sin faoi na sluaite móra a tháinig chun féachaint ar chomórtaisí peile agus iomána a d'eagar Cill Mhuire le linn blianta na 1890í.

Maraon lena lán clubanna eile sa chontae, thit an dá chlub as a chéile le linn an An Chéad Cogadh Domhanda agus blianta na dTrioblóidí. Is é cluiche iomána a imríodh sa bhliain 1909 an tagairt deireannach a bhfuil ann anois do Chill Mhuire agus níl aon tuairisc faoi Chroabh Emmet níos déanaí ná comórtas iomána sóisear inar ghlacadar páirt i Mí Meán Fómhair na bliana 1919.

Le linn an tréimhse ò bhlianta na 1920í suas go dti an bhliain 1957 nuair athbhunaíodh Móin a' Lín, d'imir iománaithe agus peileadóirí na háite le Átháin nó le Naomh Pádraig

Ós rud é nár scoilt paróiste Mhuire Cúnamh na gCríostaithe ó pharóiste Mhóin a' Lín go dti an bhliain 1980, is é Áth an Mhuilinn an club is óige sa chontae faoi láthair. Cuireadh tús le fóirne na nóg sa bhliain 1999 agus le fóirne sinsear sa pheil sa bhliain 2002 agus san iomáint sa bhliain 2004. Sular bhunaíodh an club, d'imir formhór iománaithe agus peileadóirí an pharóiste le Móin a' Lín.

Shroich Áth an Mhuilinn cluiche leath-cheannais Peile Sóisear B Chontae Luimnigh i ndiaidh dóibh buachaint ar Phailís Chaonraoí i gcluiche ceannais na cathrach sa bhliain 2005 agus chailleadar cluiche ceannais Peile Sóisear A na Cathrach i gcoinne Na Piarsaigh sa bhliain dár gcionn.

Páirc ImirtheCuir in Eagar

D'imir an club ar dtús in Ollscoil Luimnigh ach tá a bpáirc féin, Faiche na Rós, ar chíos acu ar bhruach na Sionainne i bPáirc Teicneolaíochta Plassey ón mbliain 2003. Ceaptar gur imríodh na céad cluichí Gaelacha sa cheanntair ar an suíomh céanna ag deireadh an 19ú aois.

Imreoirí CáiliúileCuir in Eagar

 
Craobh Iomána Sóisir B Cathair Luimnigh, Áth an Mhuilinn i gcoinne Tobar Phádraig sa chluiche leath-cheannais, 28ú Lúnasa 2004

Imríonn Gearóid Óg Ó Coileáin (Ger Collins), ball d'fhoireann peile sinsir Luimnigh faoi láthair, le Áth an Mhuilinn agus ghlac iar-pheileadóirí an chontae le linn blianta na 1980í, Gearóid Ó Coileáin (Gerry Collins) agus Seosamh Ó Roideacháin (Joe Redington) páirt i mbunú an chluib.

Naisc SheachtrachaCuir in Eagar

TagairtíCuir in Eagar

  • “One Hundred Years of Glory: A History of Limerick GAA”, Ó Ceallaigh, Séamus & Murphy, Seán, 1984, (Béarla).