Ciarán Cuffe
Is iar-fheisire de Pharlaimint na hEorpa (FPE nó MEP i mBéarla) é Ciarán Cuffe do thoghcheantar Bhaile Átha Cliath (a rugadh ar an 3 Aibreán 1963). Bhí sé ina Teachta Dála (2002-2011) agus chomhairleoir cathrach (2014–2019) do Lár na Cathrach Thuaidh chomh maith. Ailtire é Cuffe atá gníomhach le fada i gcúrsaí comhshaoil agus sa ghluaiseacht ghlas.
  | |
| Beathaisnéis | |
|---|---|
| Breith | 3 Aibreán 1963 61 bliana d'aois Seanchill, Éire |
 Feisire de Pharlaimint na hEorpa | |
Ina hionadaí do: Comhaontas Glas 2 Iúil 2019 – Téarma parlaiminte: Naoú Parlaimint na hEorpa Toghcheantar: Baile Átha Cliath (toghcheantar na hEorpa) Toghadh i: toghchán Pharlaimint na hEorpa 2019 | |
 Teachta Dála | |
| 14 Meitheamh 2007 – 1 Feabhra 2011 (díscaoileadh na parlaiminte) Téarma parlaiminte: 30ú Dáil Toghcheantar: Dún Laoghaire Toghadh i: Olltoghchán na hÉireann, 2007 | |
| Teachta Dála | |
| 6 Meitheamh 2002 – 26 Aibreán 2007 (díscaoileadh na parlaiminte) Téarma parlaiminte: 29ú Dáil Toghcheantar: Dún Laoghaire Toghadh i: Olltoghchán na hÉireann, 2002 | |
| Faisnéis phearsanta | |
| Scoil a d'fhreastail sé/sí | Ollscoil Maine An Coláiste Ollscoile, Baile Átha Cliath |
| Gníomhaíocht | |
| Gairm | polaiteoir |
| Ball de pháirtí polaitíochta | Comhaontas Glas |
| Suíomh gréasáin | ciarancuffe.com |
   
| |
Saol
cuir in eagarDe bhunadh na Seanchille i ndeisceart an chontae é Ciarán Cuffe, ach tá cónaí air le scaitheamh i gceantar Bhóthar na gCloch i lár na cathrach.
Muintir
cuir in eagarChuaigh a athair, Luan Peter Cuffe, go hOllscoil Harvard i mBostún mar chuid dá chuid oiliúna mar ailtire.[1] Agus é ansin casadh air Patricia Sistine Skakel. Iníon ab ea ise le George Skakel, fear gnó ab ea a shaothraigh na milliúin nuair a bhunaigh sé an comhlacht Great Lakes Carbon Corporation. Phós Patrica Skakel agus Luan Cuffe agus d’fhill siad ar Éirinn.
Ba dheirfiúr í Patricia Skakel a bhásaigh sa mbliain 2000 le Ethel Skakel Kennedy. Is í Ethel Kennedy baintreach Bobby Kennedy, a feallmharaíodh i mí an Mheithimh 1968 agus é ag feachtasaíocht do thoghchán na huachtaránachta sna Stáit Aontaithe.
Oideachas
cuir in eagarTá céimeanna aige san Ailtireacht agus sa Phleanáil Uirbeach aige ó Choláiste na hOllscoile, Baile Átha Cliath, agus MSc in "pleanáil uirbeach" ó Chathracha ó Scoil Eacnamaíochta Londan.
Tá sé ina chathaoirleach ar Chlár Máistreachta in Athnuachan agus Forbairt Uirbeach in Institiúid Teicneolaíochta Bhaile Átha Cliath.
Polaitíocht
cuir in eagarBhí Cuffe ar dhuine de na Teachtaí Dála a toghadh do Chomhaontas Glas den chéad uair in 2002, i ndáilcheantar Dhún Laoghaire. Chuir sé isteach dhá théarma mar Theachta Dála agus bhí sé ina Aire Stáit a raibh freagracht air as an Athrú Aeráide, Pleanáil agus Iompar Inbhuanaithe.
Le linn dó bheith páirteach sa Rialtas, rinne sé athchóiriú ar chóras pleanála na hÉireann chun go mbeadh sé dírithe ar chinnteoireacht atá bunaithe ar fhianaise agus d’fhoilsigh sé reachtaíocht le dul i ngleic leis an athrú aeráide.[2]
D’fhoilsigh sé Suirbhé ar Fhorbairt Náisiúnta Tithíochta in 2010.[3]
Conspóid
cuir in eagarD’éirigh sé as mar urlabhraí comhshaoil an pháirtí sa bhliain 2003, nuair a tháinig sé chun solais go raibh luach $70,000 de scaireanna aige i gcomhlachtaí taiscéalaíochta ola. Fuair sé na scaireanna sin le huacht óna mháthair a d’fhág $1.3 milliún aige. Léirigh sé aiféala ag an am nach raibh éirithe leis na scaireanna a dhíol agus rinne sé amhlaidh ina dhiaidh sin.
Rinneadh scrios ar an bpáirtí san olltoghchán in 2011. Chaill Cuffe a shuíochán sa toghchán sin.
2010idí
cuir in eagarBhí Cuffe ina chathaoirleach ar Choiste Iompair Chomhairle Cathrach Bhaile Átha Cliath. Tá sé ag iarraidh go mbainfí úsáid as clófhoirne Gaelacha ar chomharthaíocht sráide na príomhchathrach.[4] Mhaígh sé gur beag difríocht atá ann idir Baile Átha Cliath agus cathracha Shasana ó thaobh comharthaíocht sráide de agus nach bhfuil rud ar bith faoi ainmchláir na príomhchathrach a thabharfadh le fios gur i gcroílár Bhaile Átha Cliath atá tú.
2020idí
cuir in eagarBhí Cuffe mar fheisire de Pharlaimint na hEorpa idir 2019-2024 do thoghcheantar Bhaile Átha Cliath. Labhair sé sa Pharlaimint na hEorpa ar 26 Samhain 2019 agus dúirt sé "Ní foláir dúinn dul i ngleic leis an athrú aeráide".[5]
Tagairtí
cuir in eagar- ↑ Máirín Ní Ghadhra. "An raibh a fhios agat gur col ceathracha Ciarán Cuffe agus Bobby Kennedy?" (ga-IE). Tuairisc.ie. Dáta rochtana: 2020-11-18.
- ↑ "Ciarán Cuffe" (ga-IE). An Comhaontas Glas. Cartlannaíodh an bunleathanach ar 2020-05-12. Dáta rochtana: 2020-11-18.
- ↑ Gareth Thornton (2010-10-21). "Foilsíonn na hAirí Finneran agus Cuffe Suirbhé ar Fhorbairt Náisiúnta Tithíochta" (ga). Department of Housing, Local Government and Heritage. Dáta rochtana: 2020-11-19.
- ↑ "‘Fadhb dlí’ ar bith le moladh go gcuirfí clófhoireann Ghaelach ar chomharthaíocht sráide i mBaile Átha Cliath" (ga-IE). Tuairisc.ie. Dáta rochtana: 2020-11-19.
- ↑ "Díospóireachtaí - EU response to extreme meteorological events and their impacts: how to protect European urban areas and their cultural heritage (debate) - Dé Máirt, 26 Samhain 2019" (ga). www.europarl.europa.eu. Dáta rochtana: 2020-11-19.