Uachtarán na Stát Aontaithe
Is é Uachtarán na Stát Aontaithe an t-oifigeach polaitiúil agus feidhmeannach is airde i Stáit Aontaithe Mheiriceá.[1] Is é Ceann Stáit agus ceannaire na bhfórsaí armtha, agus feidhmíonn sé mar cheannaire ar thrí chraobh an rialtais (scaradh cumhachtaí). Is iad[2]
- an Chumhacht Feidhmiúcháin- an t-uachtarán agus foireann a oifige ;
- an Chumhacht Reachtach - an Chomhdháil (Teach Ionadaithe agus an Seanad) ;
- an Chumhacht Bhreithiúnach - an córas dlí ̈(Cúirt Uachtarach na S-A srl).
Is é an t-uachtarán agus a chomh-aireacht a choinníonn an tír ag imeacht, ach is é an brainse reachtach a mholann, a phléann, agus a cheadaíonn na dlíthe ar a ritheann an tír.[3]
Eagraíocht Cuir in Eagar
Toghtar Uachtarán na S-A chuig téarma oifige ceithre bliana. Ó 1951 i leith, ní féidir le huachtarán níos mó ná 2 théarma a chaitheamh sa phost. Go hiondúil ní thugtar dúshlán an té atá in oifig má roghnaíonn sé an dara téarma a lorg.[4][5]
Níl ach ball tofa amháin sa Bhrainse Feidhmiúcháin - an t-uachtarán féin, a thoghtar gach ceithre bliana. Roghnaíonn an t-uachtarán cúigear déag dá chomh-aireacht, ach ní gá do bhaill na comh-aireachta a bheith ina bhFeisirí in aon chor.
Toghtar an t-uachtarán gach ceithre bliana, ach na baill eile ar bhonn scaipthe gach dhá bhliain.[3] De ghnáth, tar éis toghchán lár téarma bíonn páirtí an Uachtaráin cloíte agus ciúin. Bíonn siad ag díriú ar thréimhse beagnach dhá bhliain nuair nach mbíonn sé ar a gcumas aon dul chun cinn a dhéanamh ná aon pholasaí a chur i bhfeidhm.[5]
Is é Joseph R. Biden an t-uachtarán reatha. Toghadh sa bhliain 2020 é agus chuaigh sé i mbun dualgais ar 20 Eanáir 2021.
Féach freisin Cuir in Eagar
Tagairtí Cuir in Eagar
- ↑ "Presidents" (en-US). The White House. Dáta rochtana: 2023-02-12.
- ↑ "Branches of Government | house.gov". www.house.gov. Dáta rochtana: 2023-02-12.
- ↑ 3.0 3.1 Brian Ó Broin (Márta 2006). "Rialtas na Stát Aontaithe - daonlathas, praiticiúlacht agus ollchumhacht" (ga-IE). Beo!. Dáta rochtana: 2023-02-12.
- ↑ Thug Ted Kennedy dúshlán Jimmy Carter i 1980 ach theip air, thug Ronald Reagan dúshlán Gerry Ford ach theip air, agus ansin theip ar Ford sa toghchán uachtaránachta agus thug Eugene McCarthy dúshlán Lyndon B Johnson i 1968
- ↑ 5.0 5.1 Máirín Ní Ghadhra (10 Feabhra 2023). "Níl aon éalú ón gceist mhór – aois an Uachtaráin Biden" (ga-IE). Tuairisc.ie. Dáta rochtana: 2023-02-12.
_-_Google_Art_Project.jpg)
.jpg)
