Claire D. Cronin

Is dlíodóir í Claire D. Cronin agus is í ambasadóir na Stát Aontaithe chun na hÉireann í.

Claire D. Cronin

Beathaisnéis
Breith	29 Eanáir 1960 64 bliana d'aois Brockton, Massachusetts
Ball de Theach Ionadaithe Massachusetts
5 Eanáir 2013 – 18 Eanáir 2022 Toghcheantar: Massachusetts House of Representatives' 11th Plymouth district (en)
Faisnéis phearsanta
Scoil a d'fhreastail sé/sí	Stonehill College (en) Ardscoil Brockton
Áit chónaithe	Easton
Gníomhaíocht
Suíomh oibre	Bostún
Gairm	polaiteoir
Ball de pháirtí polaitíochta	an Páirtí Daonlathach
Teangacha	Béarla
Croineolaíocht
6 Eanáir 2021	2021-2022 Massachusetts legislature (en)
2 Eanáir 2019-6 Eanáir 2021	2019-2020 Massachusetts legislature (en)
4 Eanáir 2017	2017-2018 Massachusetts legislature (en)
7 Eanáir 2015	189th Massachusetts General Court (en)
2 Eanáir 2013	2013-2014 Massachusetts legislature (en)
Suíomh gréasáin	malegislature.gov…

Is é an tUachtarán Joseph R. Biden, Jr. a d’ainmnigh Claire D. Cronin sa ról ar an 23 Meitheamh 2021. Tar éis do Sheanad na Stát Aontaithe í a dhaingniú, mhionnaigh an tArd‑Aighne William Bonaccorso í ar an 19 Eanáir 2022, agus chuir sí a cuid dintiúr faoi bhráid Uachtarán na hÉireann, Mícheál D. Ó hUigínn, ar an 10 Feabhra 2022. Sular ceapadh í, bhí an tAmbasadóir Cronin ina comhalta de Theach Ionadaithe Massachusetts agus bhí sí ar an gcéad bhean a bhí ina Ceannaire Tromlaigh sa Teach. Le linn di bheith ag fónamh mar reachtóir, bhí Cronin ina Cathaoirleach ar Choiste na mBreithiúna freisin, áit a raibh tionchar aici ar phíosaí suntasacha reachtaíochta, lena n-áirítear athchóirithe móra ar an gceartas coiriúil agus ar an tseirbhís phóilíneachta. Tá cuid mhaith dá gairm reachtaíochta caite aici ag obair ar son maoiniú breise a chur ar fáil don oideachas. D’oibrigh sí go forleathan chun rochtain ar sheirbhísí meabhairshláinte agus mí-úsáide substaintí a fheabhsú, chun cosaintí agus seirbhísí a mhéadú d’íospartaigh foréigin teaghlaigh, agus chun cearta sibhialta a chur chun cinn. Tacaíonn an tAmbasadóir Cronin go láidir le tacaíochtaí d’iarshaighdiúirí agus dá dteaghlaigh, agus d’oibrigh sí ar an gcoiste comhdhála don BRAVE Act, lenar feabhsaíodh seirbhísí d’iarshaighdiúirí agus dá dteaghlaigh. Leagann an tAmbasadóir Cronin tábhacht ar leith ar an tseirbhís phoiblí, agus tá an tseirbhís phoiblí fite fuaite le stair a muintire. Bhí uncail mór Cronin ar an gcéad reachtóir dall i dTeach Ionadaithe Massachusetts. D’oibrigh a huncail, C. Gerald Lucey, i dTeach Ionadaithe Massachusetts tar éis dó filleadh ón tseirbhís mhíleata san Eoraip le linn an Dara Cogadh Domhanda. Bhí sé ina Mhéara ar Brockton, Massachusetts ina dhiaidh sin. Le scór bliain anuas, d’oibrigh an tAmbasadóir Cronin mar Idirghabhálaí/Eadránaí d’Idirghabháil Chomhlathais in Brockton, MA. Go háirithe, d’oibrigh sí mar eadránaí ar an socrú suntasach a rinneadh sna cásanna mí‑úsáide gnéasaí a bhain le cléir Massachusetts. Bhain an tAmbasadóir Cronin a B.A. amach i gColáiste Stonehill agus fuair sí a J.D. ó Ollscoil Suffolk. Tá sí cáilithe chun dlí a chleachtadh i Massachusetts i gcúirteanna stáit agus cónaidhme araon agus freisin chun dlí a chleachtadh os comhair Chúirt Uachtarach na Stát Aontaithe. Tá go leor onóracha agus dámhachtainí faighte aici, lena n-áirítear Duais Ceannaireachta Reachtaíochta de chuid an Jewish Community Relations Council (2020), Duais Reachtóir na Bliana de chuid Massachusetts Bar Association (2018), Duais Ceannaireachta de chuid an Massachusetts League of Community Health Centers (2017), agus an Equal Justice Beacon of Justice Award (2016). Tá sí pósta le Ray agus tá beirt iníonacha fásta acu.