Clive Stafford Smith
Is dlíodóir Sasanach é Clive Stafford Smith, a rugadh ar an 9 Iúil 1960, agus feachtasóir ar son chearta an duine.[1] Bhunaigh sé an brúghrúpa "Reprieve" in aghaidh phionós an bháis.[2]
  | |
| Beathaisnéis | |
|---|---|
| Breith | 9 Iúil 1959 64 bliana d'aois Cambridge, England |
| Faisnéis phearsanta | |
| Scoil a d'fhreastail sé/sí | Coláiste Radley Scoil Dlí Columbia Ollscoil Carolina Thuaidh, Chapel Hill Old Buckenham Hall School (en)  |
| Gníomhaíocht | |
| Gairm | dlíodóir |
| Teangacha | Béarla |
Gradam a fuarthas | |
Saol cuir in eagar
D'fhás Stafford Smith suas agus chuaigh sé ar scoil i Sasana. Tar éis dó freastal ar Ollscoil Carolina Thuaidh i Chapel Hill mar Scoláire Morehead, lean sé ar aghaidh chuig Scoil Dlí Columbia chun dul leis an dlíodóireacht.[3]
Bhí Stafford Smith ag dlíodóireacht in áiteanna éagsúla i ndeisceart SAM ar feadh níos mó ná fiche bliain, ag díriú ar achomhairc maidir le pionós an bháis. Tugadh an-aird dó sna meáin mar dhuine a bhí ar thús cadhnaíochta sa réimse sin agus mar gheall ar an ionadaíocht dhíograiseach dhiongbháilte a thug sé dá chuid cliant.
Sa bhliain 1999 bhunaigh Stafford Smith Reprieve, carthanacht a chuireann tacaíocht dlí agus fiosrúcháin saor in aisce, ar fud an domhain, do dhaoine atá i mbaol a mbásuithe nó atá buailte ag polasaithe frithsceimhlitheoireachta mar an ngéilleadh urghnách, an chéastóireacht, an phríosúnacht sheachbhreithiúnach agus an bású seachbhreithiúnach.[3]
I 2004, d'aistrigh Stafford Smith go Londain chun bheith ag obair go lánaimseartha leis an eagraíocht Reprieve. As sin amach, tá iomrá ar leith sna meáin air, de bharr na hoibre atá á déanamh aige ar son daoine atá faoi ghlas sa Bahía de Guantánamo agus mar gheall ar a chuid iarrachtaí comhpháirteachas rialtais na hEorpa, rialtas na hÉireann san áireamh, i gcleachtas an ghéillte urghnách a thabhairt chun solais.[3]
Tagairtí cuir in eagar
- ↑ Clive Stafford Smith. "https://twitter.com/clivessmith" (en). Twitter. Dáta rochtana: 2020-07-09.
- ↑ "About" (en). Reprieve. Dáta rochtana: 2020-07-09.
- ↑ 3.0 3.1 3.2 UCD School of Law (2020-07-09). "Clive Stafford Smith" (ga). www.facebook.com. Dáta rochtana: 2020-07-09.