Cró Nimhe

Is gleann é Cró Nimhe (a dtugtaí An Gleann Neamhaí air roimhe sin) atá suite gar do Dhún Lúiche sna Sléibhte Dhoire Bheatha,  Gaoth Dobhair, Contae Dhún na nGall.

Cró Nimhe

Cineál	Gleann
Lonnaithe i limistéar cosanta	Páirc Náisiúnta Ghleann Bheatha
Logainm.ie	111318
Suíomh
Limistéar riaracháin	Éire
55° 00′ N, 8° 06′ O
Sliabhraon	Sléibhte Dhoire Bheatha

Cur síos imlíneach ar an cheantair

Is gleann oighreach domhain, 3 km ar fad i Sléibhte Dhoire Bheatha é Cró Nimhe, agus is ceann de na gleannta oighreach is suntasaí sa tír é. Cuimsíonn méid an láithreáin roinnt gleannta crochta (.i. An Bealach Gaoithe) feadh gach taobh den ghleann, a chruthaigh oighearshruthanna friothálacha, a bhí ag sreabhadh isteach go dtí an príomhghleann, le linn na hOighearaoise deireanaí.

Córas Geolaíochta / Aois agus Cineál Carraige Príomha

Clúdaíonn an gleann limistéar mór atá faoi bhun Phríomh-Eibhear Dhún na nGall, an ceann is mó de na plútóin eibhir atá comhdhéanta den bhatailit eibhir de chuid na Caladóine, c. 400 milliún bliain ó shin. An gleann féin agus na gnéithe oighreach laistigh de tagann sé ón Oighearaois dheiridh.

Na príomhphointí spéise Geolaíochta nó Geomoirfeolaíocha

Is sampla iontach é an Gleann Nimheach de u-ghleann oighrithe, le taobhanna aillte rógéaraithe os a chionn agus urlár  réleathan. Tá an Gleann Nimhe díreach, géarleataobhach agus creagach, díreach os cionn 3 chiliméadar ar fhad, 700m ar leithead agus suas le 400m domhain.