Eduard Buchner
Ceimiceoir agus símeolaí Gearmánach ab ea Eduard Alois Buchner (20 Bealtaine 1860 - 13 Lúnasa 1917), ar bronnadh Duais Nobel sa Cheimic air sa bhliain 1907, as a chuid oibre ar choipeadh .
BeathaisnéisCuir in Eagar
LuathbhliantaCuir in Eagar
Rugadh Buchner i München le lia agus Dochtúir Urghnách an Leighis Fhóiréinseach. Ba é a dheartháir ba shine Hans Ernst August Buchner . [1] Sa bhliain 1884, chuir sé tús le staidéir ar cheimic le Adolf von Baeyer agus ar luibheolaíocht le Carl Nägeli, ag Institiúid na Luibheolaíochta i München. Tar éis tréimhse ag obair le Hermann Emil Fischer in Erlangen, bronnadh dochtúireacht ar Bhuchner ó Ollscoil München i 1888 faoi Theodor Curtius . Fuair sé bás i gCath Mhărășești agus tá sé curtha i reilig shaighdiúirí na Gearmáine ó Fhocșani, an Rómáin.
TaighdeCuir in Eagar
Is éard a bhí i gceist sa turgnamh ar bhuaigh Buchner an Duais Nobel dó ná úsc giostach saor ó chealla a tháirgeadh agus a thaispeáint go bhféadfadh an “t-úscbhrúite” seo siúcra a choipeadh. Bhuail seo buille eile don bheathúlachas trína thaispeáint nach raibh gá le cealla giosta beo le haghaidh coipeadh. Táirgeadh an t-úsc saor ó chealla trí chealla giosta tirim, grianchloch agus cré dhiatómúil a chomhcheangal agus ansin na cealla giosta a bhrú le moirtéar agus tuairgnín. D’éireodh an meascán seo tais ansin de réir mar a thiocfadh ábhar na gcealla giosta as na cealla. Nuair a bheadh an chéim seo déanta, chuirfí an meascán tais trí phreas agus cuireadh glúcós, fruchtós, nó maltós leis an “t-úscbhrúite” agus chonacthas go dtiocfadh dé-ocsaíd charbóin chun cinn, uaireanta ar feadh laethanta. Níor léirigh imscrúdú micreascópach aon chealla giosta beo san úsc. Rinne Buchner hipitéis go
dtálann cealla giosta próitéiní ina dtimpeallacht d’fhonn siúcraí a choipeadh, ach fuarthas amach ina dhiaidh sin go dtarlaíonn coipeadh laistigh de na cealla giosta. Mhaígh Maria Manasseina gur aimsigh sí coipeadh saor ó chealla glúin níos luaithe ná Buchner. [2]
Cé go gcreideann cuid go n-ainmnítear an fleascán Büchner agus an tonnadóir Büchner dó, ainmnítear iad i ndáiríre don cheimiceoir tionsclaíoch Ernst Büchner . [3]
Bronnadh Duais Nobel sa Cheimic sa bhliain 1907 ar Bhüchner .
Saol pearsantaCuir in Eagar
Phós Buchner Lotte Stahl i 1900. Ag tús an Chéad Chogaidh Dhomhanda liostáil sé san arm agus d’éirigh sé aníos go céim Maor i gceannas ar aonad iompair muinisin ar an Fronta Thiar agus Thoir. I Márta 1916 d’fhill sé ar Ollscoil Wurzburg. In Aibreán 1917 liostáil sé arís. An 11 Lúnasa 1917, agus é lonnaithe i Focșani, an Rómáin, bhuail blog sliogáin é agus fuair sé bás dhá lá ina dhiaidh sin. .
FoilseacháinCuir in Eagar
- Eduard Buchner (1897). "Alkoholische Gährung ohne Hefezellen (Vorläufige Mitteilung)". Berichte der Deutschen Chemischen Gesellschaft 30: 117–124. doi:.
- Eduard Buchner, Rudolf Rapp (1899). "Alkoholische Gährung ohne Hefezellen". Berichte der Deutschen Chemischen Gesellschaft 32 (2): 2086–2094. doi:.
- Robert Kohler (1971). "The background to Eduard Buchner's discovery of cell-free fermentation". Journal of the History of Biology 4 (1): 35–61. doi:. PMID 11609437.
- Robert Kohler (1972). "The reception of Eduard Buchner's discovery of cell-free fermentation". Journal of the History of Biology 5 (2): 327–353. doi:. PMID 11610124.
TagairtíCuir in Eagar
- ↑ Asimov, Asimov's Biographical Encyclopedia of Science and Technology 2nd Revised edition
- ↑ Cornish-Bowden, Athel (1999). "The Origins of Enzymology" (as en). The Biochemist 19 (2): 36–38. Dáta rochtana: 2017-10-18. Curtha i gcartlann 2014-08-26 ar an Wayback Machine
- ↑ Jensen, William (2006). "The Origins of the Hirsch and Büchner Vacuum Filtration Funnels". Journal of Chemical Education 83 (9): 1283. doi:. Bibcode: 2006JChEd..83.1283J.
Naisc sheachtrachaCuir in Eagar
- Works by or about Eduard Buchner at Internet Archive
- Eduard Buchner on Nobelprize.org including the Nobel Lecture, December 11, 1907 Cell-Free Fermentation
- Buchner, Eduard (1897). "Alcoholic Fermentation Without Yeast Cells". Ber. Dtsch. Chem. Ges. 30: 117–124. doi:. Curtha i gcartlann 2006-08-19 ar an Wayback Machine (English translation of Buchner's "Alkoholische Gährung ohne Hefezellen")