Erik Bruhn
Damhsóir, cóiréagrafaí agus aisteoir Danmhargach ab ea Erik Beltan Evers Bruhn (3 Deireadh Fómhair 1928 – 1 Aibreán 1986). I gCóbanhávan na Danmhairge a saolaíodh é. Thosaigh sé ag foghlaim damhsaíochta agus é 7 mbliana d'aois. Áirítear é mar dhuine de na damhsóirí ab fhearr den 20ú haois. Leannán, comráda agus cosantóir Rudolf Nureyev a bhí ann ó 1961 go dtí bás Bruhn den SEIF sa bhliain 1986. I dTorontó Cheanada a d'éag sé.
  | |
| Beathaisnéis | |
|---|---|
| Breith | (da) Erik Belton Evers Bruhn 3 Deireadh Fómhair 1928 Cóbanhávan, An Danmhairg |
| Bás | 1 Aibreán 1986 57 bliana d'aois Toronto, Ontario |
| Siocair bháis | Bás nádúrtha (Ailse scamhóg) |
| Áit adhlactha | Mariebjerg Cemetery (en)  |
| Faisnéis phearsanta | |
| Scoil a d'fhreastail sé/sí | The Royal Danish Ballet School (en) |
| Gníomhaíocht | |
| Réimse oibre | Damhsa, bailé, cóiréagrafaíocht agus amharclannaíocht |
| Gairm | cóiréagrafaí, aisteoir, damhsóir, máistir bailé, damhsóir bailé, bainisteoir amharclainne |
| Tréimhse oibre | 1947 – |
| Teangacha | An Danmhairgis |
Gradam a fuarthas
| |
   | |
D'éirigh go maith le Bruhn agus é ag damhsa le Den Kongelige Ballet ("An Bailé Ríoga") i gCóbanhávan. Ansin, ar 1 Bealtaine 1955 dhamhsaigh sé leis an Ballet Theatre i Nua-Eabhrac, ócáid ar ar imir sé ról Albrecht in Giselle os comhair Alicia Markova, damhsóir a bhí 20 bliain níos sine ná é. Thóg a chuid damhsaíochta callán an lá sin agus bheoaigh a saol gairmiúil go hidirnáisiúnta. D'éirigh Bruhn as Den Kongelige Ballet sa bhliain agus i mí na Bealtaine chuaigh sé leis an Ballet Theatre. D'fhan sé leosan ar feadh 10 mbliana, cé gur chothaigh sé caidreamh le compántais bailé mhóra eile, san Eoraip go háirithe, sna blianta céanna.
| Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |