Federación Anarquista Ibérica

Federación Anarquista Ibérica
Sonraí
Cineál	cónaidhm ainrialachais
Idé-eolaíocht pholaitíochta	sindeacálachas ainrialach ; cumannachas ainrialach
Stair
Dáta a bunaíodh	Iúil 1927
Suíomh a chartlainne	International Institute of Social History (en) ;
Rialachas corparáideach
Cuid de	International of Anarchist Federations (en)
Suíomh gréasáin	https://federacionanarquistaiberica.wordpress.com/

Is eagraíocht ainrialaitheach é an Federación Anarquista Ibérica (FAI, Cónaidhm Ainrialaitheach na hIbéire) sa Spáinn. Is míleataigh iad atá gníomhach i measc grúpaí mar chuid den cheardchumann Confederación Nacional del Trabajo (CNT). Giorraítear í go minic mar CNT-FAI mar gheall ar an nasc dlúth atá acu. Foilsíonn an FAI an tréimhseachán Tierra y Libertad.

Tagraíonn an Ibérica san ainm d'aontú idir na hainrialaigh sa Spáinn agus sa Phortaingéil in eagraíocht Pan-Ibéireach, a bhí mar aidhm acu.

Stair

Bunaíodh i Valencia sa bhliain 1927 é, le feachtas a chur ar bun chun cinntiú go bhfanfadh an CNT mar ghrúpa ainrialaitheach. Bhí an cheist seo tábhachtach go háirithe ag an am de bharr ré an deachtóra Miguel Primo de Rivera a bhí ag cur na gluaiseachtaí lucht oibre faoi chois.

De bharr mhórcheannas an FAI thar pholasaí an CNT, d'fhág na baill mheasartha faoi cheannas Ángel Pestaña chun an Páirtí Sindeacáiteach sa bhliain 1931.

Bhí baill an FAI go mór chun tosaigh ag troid in aghaidh fórsaí Francisco Franco i rith Chogadh Cathartha na Spáinne.

Ó bhás Franco agus teacht an daonlathais, tá FAI fós gníomhach.