Glen Hansard

Is é Glen Hansard (rugadh i mBaile Átha Cliath, 21 Aibreán 1970) an príomhamhránaí agus giotáraí leis an mbanna rac-cheoil Éireannach The Frames. Tháinig clú agus cáil air tar éis dó páirt a ghlacadh sa scannán Alain Parker The Commitments. Ghlac sé páirt an tseinnteora giotáir Outspan Foster. Bhí aiféala air gur ghlac sé leis an bpáirt seo i ndiaidh an scannáin mar thóg sí aird óna shlí bheatha mar cheoltóir, dar leis. Sa bhliain 2003 bhí sé mar láithreoir ar chlár RTÉ Other Voices: Songs from a Room, taispeántas den tallann ceoil neamhspleách atá le fáil in Éirinn. Sa bhliain 2006 seoladh dlúthdhiosca darbh ainm The Swell Season, ceirnín a rinne Hansard leis an gceoltóir Seiceach Markéta Irglová.

Glen Hansard

(2015)
Beathaisnéis
Breith	21 Aibreán 1970 54 bliana d'aois Baile Átha Cliath, Éire
Faisnéis phearsanta
Scoil a d'fhreastail sé/sí	New York Film Academy (en)
Gníomhaíocht
Gairm	aisteoir, ceoltóir, cumadóir scóir scannáin, aisteoir scannáin, amhránaí is scríbhneoir, ealaíontóir sráide, amhránaí, giotáraí
Tréimhse oibre	1990 –
Ball de	The Frames The Swell Season Interference
Seánra	Ceol tíre traidisiúnta agus pop indie
Teangacha	Béarla agus an Ollainnis
Cineál gutha	Baratón
Uirlis	Ucailéile, ceol gutha agus giotár
Teaghlach
Páirtí	Markéta Irglová
Gradam a fuarthas  Duais an Acadaimh don amhrán nuachumtha is fearr
Suíomh gréasáin	glenhansard.com

Sa bhliain 2007 tháinig an scannán Once amach le Hansard agus Irová mar phríomhcharachtair ann. Ba é John Carney, iar-sheinnteoir dordghiotáir leis na Frames, a bhí mar stiúrthóir ar an scannán.

Ba bhall mór le rá é den ghrúpa gniomhaíoch Home Sweet Home a ghlac seilbh ar iar-oifigí i dTeach Apollo ar Shráíd an Phoill Bhig i mBaile Átha Cliath, mar fhoscadán do dhaoine gan dídean idir 15 Nollaig 2016 agus 12 Eanáir 2017. Bhí orthu an foirgneamh a fhágáil faoi dheireadh mar gheall ar ordú cúirte ach tharraing an eachtra seo aird ar straitéis an rialtais Éireannaigh do dhaoine gan dídean.

Naisc sheachtracha

• Suíomh Oifigiúil The Frames
• Myspace an 'Swell Season' (leathanach Beárla)

Glen Hansard, ag seinm i Vicar Street, Baile Átha Cliath, 31 Nollaig 2006