Harriet Tubman, t. 1885

Daonuasclóir Meiriceánach a rinne ruathair go dána inar tugadh líon mór sclábhaithe chun saoirse ab ea Harriet Tubman (née Araminta Ross; t. 182210 Márta 1913). D'fhreastail sí mar scabhta armtha agus mar spiaire d'Arm na Stát Aontaithe i gcoinne fórsaí na Cónfheidhme le linn Chogadh Cathartha na Stát Aontaithe. I ndiaidh an chogaidh agus saorú na sclábhaithe, lean sí ag obair mar dhaonnúlach agus mar fheiminí.

SaolCuir in Eagar

Rugadh Araminta Ross mar sclábhaí in Dorchester, Maryland, agus chaith roinnt úinéirí go dona léi agus í óg fós. Gortaíodh sna blianta úd í sa gcloigeann nuair a chaith fear bán píosa miotail le sclábhaí eile a chuaigh amú agus bhuail ise ina a ionad. D'fhulaing sí tinneas de chineálacha éagsúla ar feadh a saoil mar gheall air sin. Duine cráifeach a bhí inti agus ghlac sí leis na speabhraídí a thagadh uirthi mar thuair.

Sa bhliain 1840, saoradh a hathair, a bhí 55 bliain d'aois, ach lean seisean ag obair don teaghlach chéanna. Faoi dheireadh 1844, phós Araminta fear gorm saor, John Tubman, agus d'athraigh sí a hainm go Harriet Tubman. Bhí sé sách comónta ar chladach thoir Maryland san am sin sclábhaithe agus daoine saora a bheith ag maireachtáil in aon teaghlach amháin. Sa bhliain 1849, d'éalaigh sí ón sclábhaíocht agus chuaigh go Philadelphia.


 
Harriet Tubman ag druidim ar dheireadh a saoil