Michael Jackson

amhránaí agus cumadóir Meiriceánach

Amhránaí, ceoltóir agus cumadóir popamhrán a bhí i Michael Joseph Jackson a rugadh i nGary, Indiana ar an 29 Lúnasa 1958 agus a cailleadh i Los Angeles ar an 25 Meitheamh 2009. Thugtaí "Rí an Phopcheoil" air le fada, agus áirítear ar na healaíontóirí popchultúir is mó ratha, ráchairte agus tionchair é i stair an phopcheoil. D'fhág sé a lorg ar an bhfaisean agus ar an damhsa chomh maith leis an bpopcheol féin, agus bhí a shaol príobháideach féin i mbéal an phobail ar feadh breis is dhá scór bliain.

Michael Jackson
Michael Jackson Dangerous World Tour 1993.jpg
Saol
Ainm iomlán Michael Joseph Jackson
Eolas breithe Gary (en) Aistrigh, Lúnasa 29, 1958
Náisiúntacht Stáit Aontaithe Mheiriceá
Áit chónaithe Neverland Ranch valley (en) Aistrigh
Grúpa eitneach Meiriceánaigh Afracacha
Teanga dhúchais Béarla Meiriceánach
Bás Los Angeles, Meitheamh 25, 2009
Áit adhlactha Forest Lawn Memorial Park (en) Aistrigh
Na cúinsí a bhaineann lena b(h)ás bás nádúrtha (combined drug intoxication (en) Aistrigh
ionfharchtadh miócairdiach)
Muintir
Athair Joe Jackson
Máthair Katherine Jackson
Céile/Céilí Lisa Marie Presley  (Bealtaine 26, 1994 -  Eanáir 1, 1996)
Debbie Rowe  (Samhain 14, 1996 -  Deireadh Fómhair 8, 1999)
Páistí
Siblíní
Teaghlach
Treibh Jackson family (en) Aistrigh
Oideachas
Teangacha Béarla Meiriceánach
Gairm
Gairm damhsóir, amhránaí is scríbhneoir, duine den lucht gnó, daonchara, stiúrthóir scannán, scríbhneoir scripte scannáin, file, dírbheathaisnéisí, iéiritheoir ceirníní, cóiréagrafaí, aisteoir scannáin, buillebhoscadóir, aisteoir, fiontraí, ceoltóir agus recording artist (en) Aistrigh
Duais
Daoine le tionchar air/uirthi Sammy Davis Jr., James Brown, Charlie Chaplin, Fred Astaire, Diana Ross, Sam Cooke, Sly Stone, Jackie Wilson, Marcel Marceau (en) Aistrigh agus The Beatles
Ballraíocht The Jackson 5
Sloinnte The King of Pop
Gluaiseacht ealaíne popcheol
anamcheol
ceol damhsa
dioscó
rac-cheol
Na Gormacha
Ceol rithim agus gormacha
func
new jack swing (en) Aistrigh
ceol hip hap
rac-cheol crua
urban contemporary (en) Aistrigh
samba (en) Aistrigh
Cineál gutha teanóir
Uirlis cheoil ceol gutha
pianó
foireann drumaí
cnaguirlis
Lipéad ceoil Epic
Sony Music (en) Aistrigh
Motown
Universal Music Group
Sony BMG (en) Aistrigh
Legacy (en) Aistrigh
Steeltown Records (en) Aistrigh
IMDb nm0001391
michaeljackson.com
Michael Jackson signature.svg

In éineacht lena chuid deartháireacha bhain sé amach an chéad chlú chomh fada siar leis an mbliain 1964, nuair a bhí sé ag amhránaíocht sa cheolfhoireann The Jackson Five. Ina dhiaidh sin, i dtús na seachtóidí, thosaigh sé ag amhránaíocht ina aonar. An t-albam úd Thriller a d'fhoilsigh sé sa bhliain 1982, níor sháraigh aon albam é ar an tsuim airgid a shaothraigh sé don amhránaí. Albaim mhór-ratha eile iad Off the Wall ón mbliain 1979, Bad ón mbliain 1987, Dangerous ón mbliain 1991, agus HIStory ón mbliain 1995.

Ceann de na gaiscí móra ar éirigh leis a dhéanamh is ea é gur athraigh sé cuma na bhfíseán ceoil. Ar dtús, ní raibh iontu ach cleas promóisin don cheol féin, ach rinne Michael Jackson saothair ealaíne iontu féin díobh. Leis na físeáin a rinne sé do na hamhráin úd Billie Jean, Beat It, agus Thriller, bhí sé in ann lucht mór féachana a bhaint amach i measc daoine nárbh ionann a dtoighis cheoil. Lena chuid físeán agus lena geáitsí stáitse bhí sé ábalta teicníochtaí úra damhsa a chur ar fud an domhain, ar nós "siúl na gealaí" (an moonwalk) agus "siúl an róbait" (an robot). Leis an gcineál ceoil a dhéanadh sé agus lena chuid damhsa, bhí sé in ann draíocht a chur ar dhaoine nárbh ionann a n-aois, dath a gcraicinn ná a gcúlra cultúrtha, agus thug sé spreagadh dá lán ceoltóirí agus siamsóirí éagsúla.

Bronnadh a lán duaiseanna air. Mar shampla, bhain sé amach an Grammy cúig uaire déag. Thug sé uaidh cuid mhór de na milliúin dollair a shaothraigh a chuid ceoil dó, le cúiseanna uaisle daonnúla a chur chun cinn.

Bhí saol pearsanta Jackson ina chúis conspóide thar na blianta, áfach. Chuaigh sé faoi scian an mháinlia phlaistigh go minic lena chosúlacht a dhéanamh níos óigeanta, ach ní dhearna an sceanairt seo mórán maitheasa dó, agus chuir na meáin agus lucht a adhartha araon cron san athrú a bhí ag teacht air de dheasca na síorlansóireachta seo. . Phós sé faoi dhó, an chéad uair sa bhliain 1994 agus an dara huair sa bhliain 1996, agus thug sé suas triúr clainne. Bhí sé ag ullmhú camchuairt dhomhanda nua, This Is It, nuair a fuair sé bás le taom croí. De réir na dtuairiscí, bhí sé faoi thionchar drugaí ar nós própafól agus lórazapam, agus is é an breithiúnas a thug cróinéir Chontae Los Angeles ar an scéal gur dúnbhású a bhí i gceist - dúnorgain nó dúnmharú.

CúlraCuir in Eagar

Rugadh naonúr clainne le Joseph agus Katherine Jackson: Jackie, Tito, Rebbie, Jermaine, Marlon, Michael, La Toya, Randy agus Janet. Deirtear gur chuir a athair brú mór orthu agus iad ag fás aníos sa bhaile, agus níor thug sé cead daofa súgradh le páistí eile. Thaispeáin Michael go raibh talann fé leith aige agus é ina bhuachaill óg.

SaotharCuir in Eagar

80idí agus 90idíCuir in Eagar

D'eisigh Michael a chéad albam leis a chuid deartháireacha sa bhanna Jackson 5. Sa bhliain 1972, d'eisigh sé a chéad cheirnín mar cheoltóir ina aonar. As seo amach, thuill sé clú agus cáil dó fhéin le h-albaim rathúla ar nós Off the Wall (1979), Thriller (1982), Bad (1987), Dangerous (1991) and HIStory (1995). Ba Thriller an albam is rathúla ariamh a bhí ann, tá níos mó ná 100 milliúin cóip den ceirnín díolta ar fad na cruinne.

B'é Jackson a chlaochlaigh físeán ceoil, chun iad a bheith ina gcruth ealaíona, le damhsaí casta ar nós an "robot" agus an "moonwalk". Deireann ceoltóirí hip hap agus R&B sa lá atá inniu ann gur mór an tionchar a bhí ag Jackson ar a gcuid ceol. Tá sé i measc na ceoltóirí gorma is rathúla riamh. Tá Jackson ar dhuine den dream beag ceoltóirí a ghlacadh isteach sa 'Rock and Roll Hall of Fame' faoi dhó. I measc na duaiseanna agus éachtaí atá buaite aige ná ocht 'Guinness World Records', trí Ghradam Grammy déag, trí shingil déag a shroich barr na gcairteacha agus 750 milliún albam díolta. Sa bhliain 2008, eisíodh an ceirnín is déanaí Thriller25. Díoladh 1.8 milliún cóip taobh istigh de dhá sheachtain déag.

00idíCuir in Eagar

Cé gur éirigh go maith lena cheirnín stiúideo is déanaí, Invincible (2001), níor éirigh go maith lena chuid saothair eile. Sa bhliain 2008, eisíodh an ceirnín is déanaí Thriller25. Díoladh 1.8 milliún cóip taobh istigh de dhá sheachtain déag.

Fuair sé bás ar an 25 Meitheamh 2009 nuair a bhuail taom croí é.

Saol pearsantaCuir in Eagar

Tá na milliúin dollar deonta aige do charthanachtaí éagsúla. Ar an lámh eile, ámh, leanann conspóid in a dhiaidh i gcónaí ina shaol pearsanta. Na líomhaintí is mó atá curtha ina leith ná go raibh máinliacht plaisteach déanta aige go tráthrialta agus gur bhain sé mí-úsáid ghnéasach as leanaí, ach fuarthas é neamh-chiontach i 2004 i ndiaidh triall fhada.

DioscliostaCuir in Eagar

NaiscCuir in Eagar

TagairtíCuir in Eagar