Naomh Séamus, mac Zeibidé
Duine den Aspal Déag Íosa ba ea Naomh Séamus, mac Zeibidé (San Séamas uaireanta). Tugtar Séamus Mór air toisc go raibh Séamus eile i measc an Dáréag, Séamas Beag, mac Alfaeus (Séamus Beag).
Comórtar Lá Fhéile San Séamas ar 25 Iúil.
SaolCuir in Eagar
Aspal ab ea é, deartháir le hEoin agus mac Zeibidé.[1] Is dócha go raibh Séamas níos sine ná a dheartháir. 'James the Greater' an leasainm a bhí air de bharr a airde, is cosúil.[2]
Níl ach beagán eolais againn faoi thús a shaol. Bhi Zeibidé ina iascaire agus seans gur chónaigh sé i mBéatsáide (Eoin 1:44) nó i gCafarnáúm. Bhí roinnt fear ag obair dhó (Marcus 1:20). Ba bhean chráifeach í Salómae agus bhí sí mar bhall de lucht leanúna Íosa Críost (Matha 27:55,; Marcus 15:40, 16:1; Lúcás 8:2, 23:55-24:1).
Shíltear nach bhfuair Séamas ná Eoin a gcuid oideachais i scoil raibíneach. Dá bharr sin, ní raibh siad aitheanta mar fhir oilte leis na Giúdaigh. Is cosúil gur bhfuair siad an caighdeán céanna oideachais a fuair daoine eile ina n-aicme, is é sin an gnáthoideachas Giúdach. Deirtear gur b'fhéidir go raibh na deartháireacha ina gcol ceathracha le Íosa Criost, eolas amhrasach. Bhí muintir na Gailíle cráifeach, crua, dícheallach, cróga agus b'iad na cosantóirí ab fhearr den náisiúin Giúdach.
.jpg)
AspalCuir in Eagar
Iascaire ab ea San Séamas agus bhí ardmheas ag Íosa air, is cosúil.[2] Bhí sé i láthair ag Claochlú an Tiarna (ar shliabh Tabor b'fhéidir) agus i nGairdín Getsemaní le linn allais fola Íosa.
Cosúil leis na hAspail eile bhí San Séamas de dhualgas air Soiscéal Dé a scaipeadh agus an Eaglais a bhunú mar a d’ordaigh Íosa. Thug sé aghaidh ar Leithinis na hIbéire chun an obair seo a chomhlíonadh.
Deirtear uaireanta gur chabhraigh San Séamas leis na Críostaithe an lámh in uachtar a fháil ar na Moors (a rinne ionradh ar an Spáinn sa bhliain 711).[2]
BásúCuir in Eagar
Nuair a d’fhill San Séamas ar Iúdáia, chuir Rí Herod Agrippa 1 é chun báis sa bhliain 44 AD. Tógadh a chorp ar ais go dtí Galicia sa Spáinn. Tá sé curtha i Santiago de Compostela. Tá sé mar phatrún ar an Spáinn agus ar oilithrigh. Leis na céadta bliain tá oilithrigh ó gach aird den domhan ag siúl Camino de Santiago chuig a uaigh.
Féach freisinCuir in Eagar
TagairtíCuir in Eagar
- ↑ tearma.ie. ""Zeibidé" ('Sebedí' uaireanta)". téarma.ie. Dáta rochtana: 2021-08-06.
- ↑ 2.0 2.1 2.2 ennisparish.com (23 Iúil 2017). "[2017-7-23.pdf Cúinne Sr Eileen]".