Droichead Nua

Baile is ea Droichead Nua (Newbridge as Béarla) i gCo. Chill Dara. Le daonra thart ar 20,000 is é Droichead Nua an baile is mó sa chontae.

Droichead Nua
Suíomh
53° 10′ 36″ N, 6° 48′ 07″ O
Stát ceannasach	Éire
Cúige Éireannach	Cúige Laighean
Contae in Éirinn	Contae Chill Dara
Tíreolaíocht
Achar dromchla	16.31 km²
Airde	90 m
Aitheantóir tuairisciúil
Lonnaithe i gcrios ama	UTC±00:00
Eile
Logainm.ie	128521
Suíomh gréasáin	newbridge.ie

Ainm

Tógadh An Droichead Nua isteach mar ainm oifigiúil i rith na 1930í. Roimhe seo ní raibh ach ainm Béarla ag an mbaile.

Stair

Dátaíonn lonnaíocht sa cheantar ón 12ú haois agus tá an baile reatha comhdhéanta as sé pharóiste arsa agus cuideanna de pharóiste nó dhó eile. Is iad sin Baile na Manaigh, An Chonall Mhór, Cill na Sí, Sean-Chonall, Carnalway agus Morristown Billar.

B'é Sean-Chonall an suíomh de mainstir thábhachtach, bunaithe i 1202 ag na Canónaigh Ágastaigh. Is cuimhneachán é seo agus áiteanna eile go bhfuil stair shaibhir Chríostaí ag an mbaile.

Tá bun an bhaile reatha le fáil i mbunaíocht baraic mharcshlua an Áirm Bhriotanaigh i 1818 ag áth thar Abhainn na Life i gceantar Shean-Chonaill.

Sa lá atá inniu ann is baile bisiúil é Droichead Nua le daonracht timpeall ar 21,000, ionad tábhachtach thionscail agus tráchtála i Mór-réigiún Átha Cliath. Tá ceannáras Óglaigh na hÉireann (Fórsaí Cosanta na hÉireann), suite i nDroichead Nua.

Scoileanna

Tá ainm in airde ag an mbaile as a chuid scoileanna a thugann oideachas den scoth dá gcuid scoláirí. An scoil is tábhachtaí sa bhaile is ea Coláiste an Droichid Nua atá eagraithe ag na hAithreacha Dominigh. I measc na scoileanna eile sa cheantar tá Meánscoil Phádraig, Meánscoil an Clainne Noafa agus Ceardscoil Naoimh Chonlaidh. Is iad Scoil Mhuire, Scoil Naoimh Chonlaidh is Muire agus Scoil Naoimh Phádraig na príomh-bhunscoileanna. Le déanaí tháinig Gaelscoil Chill Dara agus bunscoil nua gan aicme creidimh ar an bhfód.

Córas taistil

Baineann an baile leas as sár-naisc bóthair agus iarnróid le Baile Átha Cliath agus an Deisceart. Mheall a chóras taistil comhlachtaí ar nós Wyeth Medica agus Oral B chuig an bhaile.

Téann an mótarbhealach M7 timpeall an baile agus tá sé suite sa chóras iarnróid ar an líne ó Bhaile Átha Cliath go Chorcaigh.

Daoine cáiliúla

• Canadóir Christy Moore.
• Eolaí Kathleen Lonsdale.
• Imreoi rugbaí na hÉireann Geordan Murphy.
• Ceoltóir Luka Bloom (rugadh mar Barry Moore).
• Ceoltóir Dónal Lunny.
• Lúthchleasaí Karen Shinkins.
• Dealbhóir An tAthair Henry Flanagan.
• Dealbhóir Annette McCormack.
• Iar-chanadóir de B*Witched: Sinéad O'Carroll.