Nicola Sturgeon
IarCheannaire ar Pháirtí Náisiúnta na hAlban (an SNP nó Phàrtaidh Nàiseanta na h-Alba) agus IarChéad-Aire na hAlban is ea Nicola Sturgeon (a rugadh ar an 19 Iúil 1970).
Gairm
cuir in eagar.jpg)
Bhí Sturgeon ina ball de Pharlaimint na hAlban ó 1999. Ceapadh ina leascheannaire ar an SNP in 2004.[1] Tháinig sí i gcomharbacht ar Alex Salmond mar cheannaire agus mar chéad-aire in 2014 nuair a diúltaíodh don reifreann faoi neamhspleáchas na hAlban. Chuaigh Sturgeon i gceannas an pháirtí agus rún daingean aici neamhspleáchas a bhaint amach d’Albain, agus cé gur éirigh léi cur go mór le líon suíochán an SNP i ndiaidh an reifrinn, níor éirigh léi ina hiarrachtaí reachtaíocht a rith a cheadódh don pharlaimint an bunreacht a athrú.[2]
An 25 Bealtaine 2022, bhí Sturgeon ar an gCéad-Aire ab fhaide seirbhíse in Albain, ó bunaíodh parlaimint díláraithe na hAlban i 1999, agus í ag sárú an taifid roimhe sin a bhí i seilbh a réamhtheachtaí Alex Salmond.
Éirí as
cuir in eagarD'éirigh Sturgeon as a post mar Chéad-Aire ar 15 Feabhra 2023, i ndiaidh ocht mbliana sa phost.[3]
Tháinig cinneadh Nicola Sturgeon éirí as céad-aireacht na hAlban aniar aduaidh ar a lán ag an am.. Ach bhí Sturgeon faoi léigear sa bhliain 2022/2023 maidir le leasuithe conspóideacha ar an reachtaíocht a bhaineann le aitheantas inscne.[4] Buaileadh go dona an SNP leis, nuair a theip ar an bPáirtí bille trasinscneach a thabhairt isteach, bille a thabharfadh cead do dhaoine trasinscneacha a n-inscne a athrú gan gá le diagnóis shíciatrach.[5]
Mar sin, ní raibh Sturgeon ag cruthú go maith sna pobalbhreitheanna agus bhí an leibhéal tacaíochta do neamhspleáchas na hAlban ag meath chomh maith i dtús 2023.[1]
Conspóid
cuir in eagarTá Sturgeon pósta le Peter Murrell, phríomhfheidhmeannach ar an SNP idir 1999-2023. D'éirigh sé as a phost nuair a d'éirigh Sturgeon as ceannaireacht an Pháirtí. Ag an am céanna, bhí Murrell gafa i bhfiosrúchán faoi mhaoiniú an pháirtí. Bhí na póilíní ag fiosrú an méid a tharla de £600,000 a bhailigh lucht feachtais i 2017 ar son neamhspleáchas na hAlban, airgead a bhí ceaptha a bheith curtha go leataobh go sonrach ar mhaithe leis an bhfeachtas sin, ach nach raibh aon trácht air i gcuntais an pháirtí.[6]
Féach freisin
cuir in eagarNaisc sheachtracha
cuir in eagarTagairtí
cuir in eagar- ↑ 1.0 1.1 Tuairisc (15 Feabhra 2023). "Nicola Sturgeon ag éirí as mar Chéad-Aire Pharlaimint na hAlban" (ga-IE). Tuairisc.ie. Dáta rochtana: 2023-02-17.
- ↑ Nuacht RTÉ (2023-02-15). "Nicola Sturgeon ag éirí as a post mar Chéad Aire na hAlban" (as ga-IE).
- ↑ Tuairisc (15 Feabhra 2023). "‘Is é an rud ceart don neamhspleáchas, fís dár thug mé mo shaol’ – Nicola Sturgeon ag éirí as" (ga-IE). Tuairisc.ie. Dáta rochtana: 2023-02-17.
- ↑ B’údar mór conspóide i dtús 2023 gur seoladh duine a ciontaíodh i mbeirt bhan a éigniú faoi ghéibheann i bpríosún do mhná agus an duine sin tar éis a fhógairt gur bean thrasinscneach í.
- ↑ Conradh na Gaeilge, Londain (18 Feabhra 2023). "Nuacht Mhall, (Ciarraí) (podcast)" (ga-IE). Listen Notes. Dáta rochtana: 2023-02-24.
- ↑ Nuacht RTÉ (2023-04-05). "Fear céile Nicola Sturgeon gafa i bhfiosrúchán airgid an SNP" (as ga).