Pádraig Mac Suibhne
Múinteoir, aisteoir, agus file Gaeilge ab ea Pádraig Mac Suibhne (1942–2020).[1][2] Rugadh agus tógadh é in Ard an Rátha, Contae Dhún na nGall.
| Beathaisnéis | |
|---|---|
| Breith | 23 Feabhra 1942 Beitheach, Éire  |
| Bás | 24 Márta 2020 78 bliana d'aois Leitir Ceanainn, Éire |
| Gníomhaíocht | |
| Gairm | file, príomhoide, scríbhneoir |
| Teangacha | An Ghaeilge agus Béarla |
- Tá níos mó ná duine amháin darb ainm Pádraig Mac Suibhne ann. Féach Pádraig Mac Suibhne (idirdhealú).
Saol
Chuaigh an Suibhneach le sagartacht ach d’éirigh sé as. Bhain sé amach céim sa Ghaeilge agus sa stair in Ollscoil Mhaigh Nuad.
Múinteoir iarbhunscoile agus príomhoide ab ea é.
Phós sé sa bhliain 1967 agus bhí cúigear clainne aige ach scar sé féin agus a bhean.[2]
Poblachtánach ab ea é agus coimeádadh i bPort Laoise é ar feadh tamaill.
Bhí baint mhór aige le drámaíocht agus bhíodh sé ag aisteoireacht in Amharclann an Damer i mBaile Átha Cliath. Bhíodh páirt aige sa chlár grinn Gleann Ceo ar TG4 chomh maith.[3]
Saothar
D'fhoilsigh sé trí chnuasach filíochta, agus scríobh sé gearrscéalta chomh maith. Tá an t-uaigneas agus an mhoráltacht mar théamaí ina chuid filíochta.
I measc a chuid saothar tá na gearrscéalta "An Coinín Cliste" agus "An Mhallacht" faoin teideal "Féar na Féile Vailintin agus scéalta eile". Dar le léirmheastóirí, pléann sé cúrsaí an tsaoil i slí an-simplí ghreannmhar ina chuid litríochta.
"Colscaradh"
._(7037872071).jpg)
Is é a chum an dán "Colscaradh" a chlúdaítear ar chúrsa na hArdteistiméireachta in Éirinn.[4] Tagann an dán seo ón gcnuasach Solas Uaigneach. Chum an file an dán seo tar éis dó an brón agus an briseadh croí a bhain le scarúint tuismitheoirí a fheiceáil agus é ag múineadh daltaí scoile.[5]
Naisc sheachtracha
- An dán 'Colscaradh'ː ceacht, ceisteanna agus nótaí[nasc briste go buan] ar an suíomh cogg.ie[5]
- Na focail, le Tuairisc.ie ar Youtube[6]
- Marcus Lambe ag léamh an dán ar Youtube[7]
- Beochan le TG4[8]
Tagairtí
- ↑ Diarmuid Breathnach agus Máire Ní Mhurchú. “MAC SUIBHNE, Pádraig (1942–2020) | ainm.ie” (ga). An Bunachar Náisiúnta Beathaisnéisí Gaeilge (Ainm.ie). Dáta rochtana: 2024-02-19.
- ↑ 2.0 2.1 TG4. "Pádraig Mac Suibhne - a shaol, ar Youtube" (as ga).
- ↑ L. Ní Mhuineog (2012-05-25). "Gaeilge Coláiste Pobail Acla: Pádraig Mac Suibhne". Gaeilge Coláiste Pobail Acla. Dáta rochtana: 2021-11-18.
- ↑ TG4 ar Youtube. "An dán Colscaradh le Pádraig Mac Suibhne" (as ga).
- ↑ 5.0 5.1 cogg.ie. "An dán 'Colscaradh'ː ceacht, ceisteanna agus nótaí". Cartlannaíodh an bunleathanach ar 2021-11-18. Dáta rochtana: 2021.
- ↑ Na focail. "Colscaradh - le Pádraig Mac Suibhne" (as ga).
- ↑ Marcus Lambe (2011). "Colscaradh le Gaelport ar Youtube" (as ga).
- ↑ "Colscaradh le Padraig Mac Suibhne | Dánta | TG4 Foghlaim" (as ga) .