Paul Gascoigne

Deirtear go raibh Paul Gasgoigne, nó Gazza mar a thugtar air, (a rugadh ar an 27 Bealtaine 1967 in oirthuaisceart Shasana) ar dhuine de na himreoirí sacair ab fhearr dá ghlúin. Imreoir lár páirce an-tréitheach a bhí ann, a chuir tús lena ghairm leis a chumann áitiúil Newcastle United sa bhliain 1985, sular chaith sé tréimhsí le clubanna móra eile ar nós Tottenham, Lazio, Rangers, Middlesbrough agus Everton. D’imir sé le foireann idirnáisiúnta Shasana chomh maith idir na blianta 1988 agus 1998, agus cuimhnítear an sárthaispeántas a chuir sé isteach sa Chorn Domhanda na bliana 1990 go háirithe. Ina chluiche deireanach sa chomórtas, rinne sé feall ar imreoir eile agus bronnadh cárta buí eile air, rud a chuirfeadh é amach as an chéad chluiche eile. Thosaigh Gascoigne ag gol go hoscailte amuigh ar an bpáirc imeartha, rud a chuaigh go mór i bhfeidhm ar an lucht féachana sa bhaile. Tar éis a chuid éachtaí sa Chorn, bhí cáil dhomhanda bainte amach aige, agus stádas mar dhuine de laochra nua-aimseartha an chluiche.

Paul Gascoigne

Beathaisnéis
Breith	(en) Paul John Gascoigne 27 Bealtaine 1967 57 bliana d'aois Gateshead, England
Faisnéis phearsanta
Scoil a d'fhreastail sé/sí	Ardscoil Shóisearach Breckenbeds Ardscoil Shinsearach Heathfield Acadamh Joseph Swan
Airde	177 cm
Gníomhaíocht
Gairm	imreoir sacair, bainisteoir sacair, dírbheathaisnéisí, siamsóir
Tréimhse oibre	1985 –
Teangacha	Béarla
Tír spóirt	Sasana
Spórt	sacar
Sraith spóirt	Príomhroinn Shasana
Ionad ar an bhfoireann / speisialtacht	Imreoir lár páirce
Gníomhréim   Foireann 1985–1988 Newcastle United Football Club 92 (21) 1987–1988 England national under-21 association football team (en) 12 (5) 1988–1992 Tottenham Hotspur Football Club 92 (19) 1992–1995 Società Sportiva Lazio 43 (6) 1995–1998 Rangers Football Club 74 (30) 1998–2000 Middlesbrough Football Club 41 (4) 2000–2002 Everton Football Club 32 (1) 2002–2002 Burnley F.C. (en) 6 (0) 2003–2003 Gansu Tianma F.C. (en) 4 (2) 2004–2004 Boston United F.C. (en) 4 (0)   Foireann spóirt náisiúnta 1988–1998   England men's national association football team (en) 57 (10) 1989–1989   England national association football B team (en) 4 (1)   Cóitseálaí 2005–2005 Kettering Town F.C. (en)
Ghlac sé/sí páirt i
Meitheamh 1996	UEFA Euro 1996 (en)
1990	Corn FIFA an Domhain 1990
1985, 1983	1984–85 European Cup (en)
Teaghlach
Céile	Sheryl Gascoigne (1996–1999)
Páiste	Bianca Gascoigne
Gradam a fuarthas (1990)  BBC Sports Personality of the Year Award (en)

Tharraing Gascoigne an-chuid chonspóid ag an am céanna, ar an bpáirc imeartha ar dtús agus ansin taobh amuigh den chluiche. Bhí fadhbanna tromchúiseacha aige le leis an ól agus le drugaí, agus fadhbanna intinne a thiocfadh chun solais ní ba dhéanaí. Chuir na deacrachtaí ina shaol pearsanta go mór isteach ar a ghairmréim imreora, agus srian leanúnach ar an méid a bhí sé ábalta a dhéanamh mar imreoir. Nuair a d’éirigh Gascoigne as an gcluiche mar imreoir, thóg sé post sealadach le Kettering Town sa bhliain 2005 mar bhainisteoir orthu. Agus é saor ón imirt, thosaigh a chuid fadhbanna ag dul in olcas go dtí gur cuireadh faoi ghlas san ospidéal é ar an 21 Feabhra 2008, tar éis eachtra in óstán abhaile i Newcastle. Chuaigh sé isteach i gclinic chun athshlánú a dhéanamh, agus tháinig sé réasúnta slán as ag deireadh na bliana 2008.