Cibearphunc

Seánra de chuid an fhicsin eolaíochta is ea cibearphunc nó punc cibirnitice (Béarla: cyberpunk). Fuair an seánra a ainm ón bpunc-rac (an cineál rac-cheoil a bhí á sheinm ag Sex Pistols agus grúpaí ceoil a bhí cosúil leo) agus ón gcibirnitic. Ba é an scríbhneoir Meiriceánach Bruce Bethke a cheap an focal féin, nó chum sé gearrscéal faoin teideal sin Cyberpunk sa bhliain 1984.

Cathar Cyberpunk

Cyberpunk 2077

Scéalta duairce is ea na scéalta a bhaineann leis an gcibearphunc. Go tipiciúil, tugann siad cur síos ar shochaí atá ag titim as a chéile cé go bhfuil ardteicneolaíocht agus ríomhairí ar fud na háite. Bíonn na himeachtaí suite i dtimpeallacht chathartha, agus go tipiciúil, bíonn na gnólachtaí móra tar éis seilbh a ghlacadh ar an tsochaí go léir — is minic nach bhfuil a dhath fágtha den stát. Bíonn na daoine ag tógáil drugaí, agus na ríomhairí chomh fite fuaite leis an saol is nach mbíonn sé furasta an duine a aithint thar an líonra ríomhaireachta.

Is é an t-úrscéal úd Neuromancer le William Gibson ón mbliain 1984 a chuir tús leis an bpunc cibirnitice i ndáiríre. Is féidir a rá, áfach, go raibh tionchar nach beag ag an litríocht dhiostóipeach, cosúil le 1984 le George Orwell nó Brave New World le hAldous Huxley ar an seánra go léir.

Féach freisin

• Air Cuan Dubh Drilseach