The Velvet Underground

Racbhanna Meiriceánach ab ea The Velvet Underground, a bhí gníomhach idir na blianta 1965 agus 1973. Na baill is cáiliúla a bhí ann ná Lou Reed agus John Cale, an bheirt úd a bhain rath nach beag amach mar cheoltóirí aonair. Cé nach raibh mórán ratha tráchtála ag an mbanna ina linn féin, bíonn siad luaite i gcónaí ag na criticeoirí mar cheann de na grúpaí ba thábhachtaí agus ba mhó tionchar riamh, a thóg spreagadh an-mhór do cheoltóirí nua. Mar a deirtear, ní fhaca mórán daoine an banna ag seinm riamh, ach bhunaigh gach duine dóibh bannaí.

The Velvet Underground

Ainmnithe in ómós	The Velvet Underground
Baill
Nico (Köln, 16 Deireadh Fómhair 1938 - Ibiza, 18 Iúil 1988). Aisteoir Lou Reed (Brookdale University Hospital and Medical Center (en) , 2 Márta 1942 - East Hampton, 27 Deireadh Fómhair 2013). Amhránaí John Cale (Garnant, 9 Márta 1942 - ). Amhránaí is scríbhneoir Sterling Morrison (East Meadow, 28 Lúnasa 1942 - Poughkeepsie, 30 Lúnasa 1995). Amhránaí Maureen Tucker (Nua-Eabhrac, 26 Lúnasa 1944 - ). Ceoltóir
Sonraí
Cineál	racbhanna
Stair
Dáta a bunaíodh	1965, Nua-Eabhrac
Gníomhaíocht
Tréimhse oibre	1964 –  1994
Lipéad ceoil	Verve Records MGM Records Atlantic Records Cotillion Records Mercury Records Polydor Records Sire Metro-Goldwyn-Mayer
Seánra	Rac-ealaine, rac torainn, rac malartach, rac-cheol, rac turgnamhach, rac-cheol tíre, gormrac, rac sícideileach, ceol avant-garde, prótaphunc, crónán, bruitisme, popcheol ealaine agus avant-punk (en)
Saothar suntasach	I'm Waiting for the Man (en) (1967) The Velvet Underground & Nico (1970) Sweet Jane (en)
Stiúrthóir/bainisteoir	Andy Warhol Steve Sesnick (en)
Eile
Gradam a fuarthas (2017)  Gradam Saoil Grammy (2007)  Grammy Hall of Fame (en) , as a saothar The Velvet Underground & Nico (1996)  Rock and Roll Hall of Fame
Suíomh gréasáin	http://www.velvetundergroundmusic.com/

B'as Cathair Nua-Eabhrac dóibh. Bhí baint ag an ngrúpa le fochultúr ealaíne Andy Warhol, agus tháinig seisean isteach mar bhainisteoir orthu. Chum siad ceol agus liricí a chuaigh díreach in aghaidh na gcaighdeán sóisialta a bhí ann sna laethanta úd — mar shampla cultúr na ndrugaí, an striapachas agus ábhair eile ón taobh dorcha den chathair. Mar thoradh, d'oscail siad a lán doirsí do ghrúpaí eile a thiocfadh ar an bhfód níos déanaí. Mar chumadóirí, bhí siad an-trialach i gcónaí agus d'imir dearcadh an bhanna tionchar mór ar phunc-rac sna seachtóidí agus ar rac malartach sna nóchaidí.

Chuir Rolling Stone an t-albam The Velvet Underground and Nico ag uimhir 13 ar an liosta de na halbaim is fearr riamh sa bhliain 2003.

Albaim

• The Velvet Underground & Nico (1967)
• White Light/White Heat (1968)
• The Velvet Underground (1969)
• Loaded (1970)
• Live at Max's Kansas City (taifeadta 1970, eisithe 1972)
• Squeeze (1973)
• 1969: The Velvet Underground Live (albam dúbailte, taifeadta go beo 1969, eisithe 1974)
• VU (taifeadta 1969, eisithe 1985)
• Another View (taifeadta 1967-69, eisithe 1986)