Thomas Kinsella
File mór le rá as Baile Átha Cliath ab ea Thomas Kinsella (4 Bealtaine 1928 – 22 Nollaig 2021).
.jpg)  | |
| Beathaisnéis | |
|---|---|
| Breith | 4 Bealtaine 1928 Inse Chór, Éire |
| Bás | 22 Nollaig 2021 93 bliana d'aois Baile Átha Cliath, Éire |
| Gníomhaíocht | |
| Réimse oibre | Filíocht agus aistriú |
| Suíomh oibre | Éire |
| Gairm | teangeolaí, múinteoir ollscoile, scríbhneoir, foilsitheoir, file, aistritheoir, eagarthóir |
| Fostóir | Ollscoil Temple |
| Ball de | |
| Teangacha | Béarla agus an Ghaeilge |
| Saothar | |
| Suíomh a chartlainne |
|
Gradam a fuarthas
| |
  | |
Saothar cuir in eagar
Bhí Kinsella ar dhuine de na heagarthóirí ar mhórchnuasach filíochta na hÉireann, Duanaire: Poems of the Dispossessed, agus bhí clú ar a dhán Mirror in February i measc dhaltaí na hArdteistiméireachta. Fuair sé Saoirse Chathair Bhaile Átha Cliath in 2007.
Rinne sé aistriúchán nua ar an eipic ársa Táin Bó Cúailgne. Tá cáil ar a leagan Béarla, a foilsíodh i 1969 agus a bhfuil léaráidí cuidsúlacha leis an ealaíontóir Louis le Brocquy ina gcomhchuid de.[1]
Scríobh Thomas Kinsella an dán Butcher’s Dozen tar éis Dhomhnach na Fola i nDoire i 1972. Chomh maith leis an sléacht féin, ba é tuarascáil Widgery a spreag é lena chuid feirge a chur in iúl sa dán. "Mórmhasla" a thug sé ar an tuarascáil sin.
Bhí cuid dá dhuanta féin ar chúrsa na hArdteistiméireachta ar feadh na mblianta.[1] Bhí clú ar a dhán Mirror in February i measc dhaltaí na hArdteistiméireachta.[2]
Eagarthóir cuir in eagar
Bhí Kinsella ar dhuine de na heagarthóirí ar mhórchnuasach filíochta na hÉireann. I 1981, foilsíodh An Duanaire 1600-1900: Poems of the Dispossessed, cnuasach a chuir sé féin agus Seán Ó Tuama in eagar, a tháinig amach i 1981 agus a bhfuil ráchairt air i gcónaí. Ba é an aidhm a bhí ag na húdair leis an leabhar sin ná saibhreas filíochta na Gaeilge ón tréimhse 1600-1900 a chur os comhair an phobail.[3]
Chuir sé bailchríoch ar a leagan Béarla de Chúirt an Mheán Oíche in The New Oxford Book of Irish Verse i 1986, teaglaim eile a chuir sé in eagar.
Gairm cuir in eagar
Bhí Kinsella ina fhile cónaitheach in Ollscoil Illinois sna Stáit Aontaithe agus ina dhiaidh sin ceapadh in Ollamh Béarla é in Ollscoil Temple, Philadelphia.
Bronnadh an draoi gradam ar Thomas Kinsella i rith a mharthana, dochtúireachtaí oinigh agus Saoirse Bhaile Átha Cliath in 2007 ina measc.[1]
Saol pearsanta cuir in eagar
In Inse Chór i mBaile Átha Cliath sa bhliain 1928 a rugadh Thomas Kinsella. Rinne sé céim eolaíochta sa Choláiste Ollscoile, Baile Átha Cliath. Chaith sé seal ina státseirbhíseach sular thug sé faoin léann agus faoin scríbhneoireacht go lánaimseartha.[1]
Bhí triúr clainne ar Thomas Kinsella agus a bhean, Eleanor.
Tagairtí cuir in eagar
- ↑ 1.0 1.1 1.2 1.3 Ciarán Lenoach / Nuacht RTÉ (2021-12-22). "An file Thomas Kinsella ar shlí na fírinne" (as ga).
- ↑ Conradh na Gaeilge, Londain (Nollaig 201). "25 Nollaig 2021 (Tír Eoghain)" (as ga).
- ↑ Síobhra Aiken (2016). "AGALLAMH le Louis de Paor: ‘Tús argóna’ is ea an ‘Duanaire’ nua, ‘Leabhar na hAthghabhála’" (ga-IE). Tuairisc.ie. Dáta rochtana: 2021-12-29.