An tSraith ar Lár (Cnuasach Gearrscéalta)

Gearrscéalta agus nóibhille Gaeilge leis an scríbhneoir Éireannach Máirtín Ó Cadhain a d'fhoilsigh Sáirséal agus Dill sa bhliain 1967 is ea An tSraith ar Lár. Chuir Cló Iar-Chonnachta atheagrán amach faoi chlúdach bog sa bhliain 2009.

An tSraith ar Lár

Cineál	bailiúchán gearrscéalta
Cárta innéacs
Údar	Máirtín Ó Cadhain
Teanga	an Ghaeilge
Foilseachán	1967
Foilsitheoir	Sáirséal agus Dill
Seánra	bailiúchán gearrscéalta

Foilsíodh an leabhar ceithre bliana déag tar éis Cois Caoláire, agus chaith Ó Cadhain an t-am idir foilsiú an dá leabhar i mbun agóidíocht ar son cúiseanna éagsúla.

Scéalta an Chnuasaigh

• An Sean agus an Nua
• Ciréib
• Gorta
• Crosaire Iarannróid
• An tSraith ar Lár (gearrscéal)
• Úr agus Críon
• Sraith Eile ar Lár
• Beirt Eile
• An Beo agus an Críon
• An Beo agus an Marbh
• Cé acu?...
• A Simple Lesson
• An Eochair (scéal)

Ealaíon an Chlúdaigh

Anne Yeats a dhear an clúdach. Dúch miotalach airgid a úsáideadh leis an gcúlra liath a dhéanamh agus dar le léirmheastóirí oireann sé don phictiúr pinn agus dúigh.

I gCnuasaigh eile

Roghnaíodh an scéal Beirt Eile mar chuid den chnuasach Gearrscéalta an Chéid a d'fhoilsigh Cló Iar-Chonnachta sa bhliain 2000. Chuir Gearóid Denvir agus Aisling Ní Dhonnachadha an cnuasach in eagar.

Léirmheastóireacht

Dar le roinnt rinne an Cadhnach scríbhneoir nua-aoiseach de féin sa tréimhse sular foilsíodh an leabhar seo. Dar leo gur léir an Cadhnach a bheith tagtha in inmhe mar scríbhneoir ann. Díríonn sé ar an gcathair agus ar mhuintir na cathrach seachas an tuath agus ar an nGaeltacht sa chnuasach den chuid is mó. Na fir seachas na mná is mó a dhíríonn sé isteach orthu sa chnuasach seo. Bhuaigh an leabhar seo duais £2,000 ón bhForas Gael-Mheiriceánach i mbliain a fhoilsithe.