Doire an tSoirn

Is baile suite in iarthuaisceart Chontae Chill Dara é Doire an tSoirn. Tá an baile suite 30 ciliméadar siar ó thuaidh ó Bhaile Átha Cliath.

Doire an tSoirn
Suíomh
53° 16′ 58″ N, 6° 52′ 54″ O
Stát ceannasach	Éire
Cúige Éireannach	Cúige Laighean
Contae in Éirinn	Contae Chill Dara
Daonra
Iomlán	1,138 (2006)
• Dlús	753.64 hab./km²
Tíreolaíocht
Achar dromchla	1.51 km²
Airde	85 m
Aitheantóir tuairisciúil
Lonnaithe i gcrios ama	UTC±00:00
Logainm.ie	25493

An seanmhuileann gaoithe i nDoire an tSoirn

Bhí 1,541 duine ina gcónaí ann sa bhliain 2011.

Tá Doire an tSoirn mar chuid de pharóiste sibhialta Ard Chille agus barúntacht Chairbre. Tá sé suite sa toghroinn siúd Cairbre.

Oideachas

Tá bunscoil amháin sa bhaile - Scoil Naisíunta Naomh Conlaith.

Iompar

Is é an bóthar réigiúnda N403 an príomhbhóthar a théann tríd an mbaile.

Freastalaíonn dhá sheirbhís de chuid Bhus Éireann ar an mbaile – mar atá 121 agus 120.

Spórt

Níl cumann CLG dá gcuid fhéin sa bhaile, ach tá ceann amháin ó thiar i gCairbre agus ceann eile ó thoir i bhFiodh Alúine.

Creideamh

Tá eaglais de chuid na hEaglaise Caitlicí i gcroílár an bhaile. Eaglais na Tríonóide Naofa atá uirthi.

Daoine mór le rá

Saolaíodh an léiritheoir scannán Tony Adams (1953–2005) sa bhaile. Chuir Adam tús lena ghairm scannánaíochta ar an scannán ollmhór Deliverance mar fhear cúnta an stiúrthóra Shasanaigh John Boorman.

Léirigh Adams roinnt mórscannán as a stuaim féin chomh maith, amhail 10, Victor/Victoria agus sé cinn de scannáin Pink Panther.