Ella Mae Morse

B’amhránaí mór le rá Meiriceánach í Ella Mae Morse (12 Meán Fómhair 1924 – 16 Deireadh Fómhair 1999). Rugadh Ella i Mansfield, Texas.

Ella Mae Morse

Beathaisnéis
Breith	12 Meán Fómhair 1924 Mansfield, Texas
Bás	16 Deireadh Fómhair 1999 75 bliana d'aois Bullhead City, Arizona
Siocair bháis	Cliseadh riospráide
Teanga dhúchais	Béarla
Gníomhaíocht
Gairm	amhránaí, ceoltóir snagcheoil, aisteoir
Seánra	Ceol tuaithe, popcheol agus snagcheol
Teangacha	Béarla
Uirlis	Ceol gutha
Lipéad ceoil	Capitol Records
Gradam a fuarthas  réalta ar Hollywood Walk of Fame

Ceirnín Ella Mae Morse agus Freddie Slacks, "House of Blue Lights"

D’fhostaigh Jimmy Dorsey í nuair a bhí sí 14 bliana d’aois. Bhí Dorsey den tuairim go raibh sí 19 mbliana d’aois, agus nuair a chuir an bord scoile in iúl dó go raibh sé freagrach as a cúram, fuair sé réidh léi. I 1942, nuair a bhí sí in aois a 17 mbliana, chuaigh sí le banna Freddie Slack. An bhliain chéanna thaifid sí “Cow Cow Boogie” le Freddie - an chéad cheirnín singil órga ag Capitol Records.

I 1943 thosaigh sí ag taifeadadh go haonarach. Chas sí amhráin i stíleanna éagsúla agus bhí amhráin aici i gcairteanna “pop” agus “rhythm and blues” araon. Níor éirigh léi bheith ina réalt mór le rá riamh, áfach. “Blacksmith Blues” (1952) an t-amhrán solo ba mhó cáil a d’eisigh sí. Níor thaifid sí aon rud i ndiaidh 1957 ach choinnigh sí uirthi ag déanamh ceoil go dtí 1987. Phós sí dhá uair agus bhí seisear páistí aici.

Fuair sí bás de thairbhe easpa anála i Bullhead City, Arizona.