Fíbín
Bhí Fíbín ar an gcomhlacht drámaíochta Gaeilge ba mhó agus ba ghníomhaí in Éirinn le linn 2003-2024. Chuir Fíbín saothair nua agus chlasaiceacha ar stáitse ar shlí chruthaitheach agus i stíl ar leith.
| Sonraí | |
|---|---|
| Cineál | eagraíocht drámaíochta  |
| Stair | |
| Dáta a bunaíodh | 2003 |
| Suíomh gréasáin | http://fibin.com/ |
     
| |
D'fhág cinneadh Fíbín éirí as an amharclannaíocht in 2024 nach raibh complacht amharclannaíochta ar bith fágtha in Éirinn a bhíonn ag feidhmiú go gairmiúil is go lánaimseartha i nGaeilge.[1]
Stair
cuir in eagarBunaíodh an compántas aisteoirí Fíbín Teo. i gContae na Gaillimhe ar an 12 Samhain 2003. Bhí cúig chomhlacht lán-Ghaeilge drámaíochta ar oileán na hÉireann ag an am.
Ba é an phríomhaidhm a bhí ag Fíbín ná drámaí siamsúla a thaispeáint do dhaoine óga trí Ghaeilge. a bhreá leo, a dúirt Fíbín, an Ghaeilge a athbheochan agus a chur chun cinn ar mhodh taitneamhach agus nua-aimseartha.[2]
Bhain Fíbín tairbhe as modhanna léirithe a bhí fisiciúla agus físiúla, le puipéid, maisc, scáileanna, ceol agus fuaim. Fuair formhór na n-aisteoirí oiliúint idirnáisiúnta i scileanna puipéadóireachta.
Mhaígh Fíbín in 2016 go raibh a gcuid seónna feicthe ag breis is 100,000 duine, roinnt mhaith acu in Éirinn agus cuid eile san Iorua, Stáit Aontaithe Mheiriceá, Ceanada, an Mhaláiv, an Bhreatain Bheag, Albain, an Bheilg agus tíortha eile. Go dtí 2016, bhi os cionn 40 seó léirithe acu ar fud na tíre.[2] B
Saothair
cuir in eagar- Ar an 14 Nollaig 2003, léiríodh an dráma, seó puipéid, "An Gabha agus a Ghasúir" don chéad uair.[3]
- Stiúir Brendan Murray An Triail, in 2008 don chéad uair, dráma a bhí ar an mbóthar go dtí 2024 i nGaillimh.
- Rinne Paul Mercier dhá léiriú le Fibín, Sétanta in 2013 – an chéad dráma Gaeilge a comhléiríodh le hAmharclann na Mainistreach le 25 bliain agus Réiltín in 2014, an chéad dráma Gaeilge a d’oscail in Manhattan ó 1884.[1]
Maoiniú
cuir in eagarFuair Fíbín maoiniú ón gComhairle Ealaíon, Ealaíon na Gaeltachta agus ó Fhoras na Gaeilge ó am go ham.
Dúirt Darach Ó Tuairisg, bunaitheoir agus Príomhfheidhmeannach Fíbhín, gur “easpa straitéise agus maoinithe” ó na heagrais stáit a bhíonn ag tacú leis na healaíona in Éirinn ba chúis leis an gcinneadh éirí as an amharclannaíocht.[1]
Faoi bhrat Fíbín
cuir in eagarTá comhlachtaí eile ar an bhfód faoi bhrat Fíbín fós, is iad sin Meangadh Fíbín, a bhíonn ag léiriú cláracha teilifíse do dhaoine óga den chuid is mó, agus Fíbín Films, a bhí taobh thiar den tsraith choiriúlachta ar TG4 Crá in 2024.[1]
Tagairtí
cuir in eagar- ↑ 1.0 1.1 1.2 1.3 Maitiú Ó Coimín (13 Samhain 2024). "Deireadh á chur leis an gcomhlacht amharclannaíochta Fíbín" (ga-IE). Tuairisc.ie. Dáta rochtana: 2024-11-13.
- ↑ 2.0 2.1 fibin.com. "Cóip ar archive.org". Cartlannaíodh an bunleathanach ar 2020-09-21.
- ↑ Molscéal (2003). "'An Gabha agus a Ghasúir'" (ga). Twitter. Dáta rochtana: 2021-12-12.