Flann mac Conaing
Rí Bhreá de chlann Uí Chonaing as Cnóbha, de rítheaghlach Síl nÁedo Sláine, géag d'Uí Néill an Deiscirt, ba ea Flann mac Conaing (bás 868). Bhí sé i réim ón mbliain 851 go dtí 868.
| Beathaisnéis | |
|---|---|
| Bás | 868 |
| Ríthe Bhreá | |
 | |
| Teaghlach | |
| Páiste | Gormlaith ingen Flann mac Conaing |
| Athair | Conaing mac Flainn agus iníon anaithnid (?) |
| Siblín | Cináed mac Conaing |
An mac is óige le Conaing mac Flainn ba ea Flann. Tháinig sé i gcomharbacht ar a dheartháir, Cináed, maraithe de bháite ag Ardrí na hÉireann, Mael Seachnaill mac Mael Ruanaid, agus Tigernach mac Fócartai, a chéile comhraic as Loch Gabhair[1]
Chun a dheartháir a chúiteamh, rinne Flann comhaontas sa bhliain 860 le Áed Findliath as Aileach, rídhamhna na Teamhrach. Sa bhliain 862, rinne sé creach ar Ríocht na Mí i dteannta le hAodh agus riga Gall.[2]
Bhailigh Flann, ar a glaodh anois rí Brega uile, fir Bhreá, na Laigean agus na ngall as Cill Ó nDaighre, arm 5,000 fear, in éadan a iar-chomhghuaillí Áed Findliath, nach raibh ach 1,000 fear aige, ina measc Conchobar mac Taidg Mór, rí na gConnacht.
Troideadh an cath:
| “ |
... co díocra dúthrachtach etorra, & ro mheabhaidh[3] fo dheoidh tria neart iomghona,[4] & iomaireacc[5] for Fhiora Bregh, for Laighnibh, & for Gallaibh, & ro cuireadh a n-ár, & torchradar sochaidhe mhór do Gallaibh isin c-cath sin. |
” |
Maraíodh Flann; Diarmaid mac Eidirscéil, rí Loch Gabhair; agus Carlus mac Amlaíb Conung, rí na nGall. Maraíodh ar an taobh eile Fachtna mac Maol Dúin, rídhamhna an Tuaiscirt.[6][7]
Tagairtí
cuir in eagar- ↑ Annála Uladh, AU 851.2
- ↑ AU 862.2
- ↑ maidid, buaigh, bris, ar eDIL
- ↑ imm-goin, cogadh a chur, goin, ar eDIL
- ↑ immairecc, immairg, coimhlint, cath, ar eDIL
- ↑ Annála na gCeithre Máistrí, ACM 866.9 (recte 868)
- ↑ Francis John Byrne, Irish Kings and High Kings. Four Courts Press, Baile Átha Cliath 2001, ll. 265-266. ISBN 1851821961