Geronimo

Taoiseach clúiteach de chuid na nApaiseach ab ea Geronimo (16 Meitheamh, 1829 – 17 Feabhra, 1909). Goyaałé ab ainm dó ina theanga dhúchais féin, mar atá, Apáitsis Chiricahua, ach is ó na Meicsicigh a fuair sé an leasainm.

Geronimo
war chief (en)
Saol
Eolas breithe	Abhainn Gila, 16 Meitheamh 1829
Náisiúntacht	Stáit Aontaithe Mheiriceá Meicsiceo
Teanga dhúchais	Mescalero-Chiricahua (en)
Bás	Fort Sill (en) , 17 Feabhra 1909
Áit adhlactha	Lawton
Cúis bháis	bás nádúrtha (niúmóine)
Muintir
Céile/Céilí	Alope (en) She-gha (en) Shtsha-she (en) Ih-tedda (en) Zi-yeh (en) Chee-hash-kish (en) Nana-tha-thtith (en) Ta-ayz-slath (en) Azul (en)
Oideachas
Teangacha	An Spáinnis Mescalero-Chiricahua (en)
Gairm
Gairm	ceannaire míleata
Seirbhís mhíleata
Throid sé/sí ag	Apache Wars (en) Apache–Mexico Wars (en)
Cleamhnú
Reiligiúin	Dutch Reformed Church (en)
IMDb	nm1521149

Cogaidh

Ar dtús, bhí cónaí ar Geronimo chois Turkey Creek i Nua-Mheicsiceo an lae inniu. Bhí sé ina lia sí i measc a mhuintire, ach san am céanna, bhíodh sé go minic ag cur cogaidh ar na Meicsicigh. Mharaigh saighdiúirí Meicsiceacha a bhean chéile agus a thriúr clainne sa bhliain 1858, agus ón lá sin i leith, bhí fuath na ndaol aige ar na Meicsicigh.

27 Márta 1886:

Nuair a shealbhaigh na Stáit Aontaithe na críocha seo sna 1840idí, thosaigh Geronimo ag cur cogaidh ar na "saighdiúirí gorma" freisin. Na héachtaí a d'éirigh leis agus é ag dul sa seans ag iarraidh an ceann is fearr a fháil ar na saighdiúirí Meiriceánacha, thabhaigh siad clú agus cáil dó i measc a chuid namhad féin. Sa deireadh thiar thall, ghéill Geronimo agus an t-ochtar duine déag is fiche a bhí á thionlacan, ghéill siad iad féin d'fhórsaí an Ghinearáil Nelson A. Miles ar an 4 Meán Fómhair 1886 ag Skeleton Canyon in Arizona.

Príosún agus bás

Ina dhiaidh sin, cimíodh Geronimo, agus chaith sé an chéad chuid dá théarma braighdeanais i bhFlorida. Ocht mbliana ní ba dheireanaí, cuireadh go dtí príosún eile in Oklahoma é. Ina sheanfhear dó, bhí sé ina ábhar adhnua ag féilte agus ag ócáidí poiblí.

Márta 1905 i gCarlisle, Pennsylvania (76 bliain d'aois)

Fuair Geronimo bás le niúmóine i bhFort Sill in Oklahoma, áit ar adhlacadh é. Ní bhfuair sé cead riamh filleadh abhaile go dtí Nua-Mheicsiceo.