Hawley Harvey Crippen

Ba lia Meiriceánach é Hawley Harvey Crippen (11 Meán Fómhair 1862 – 23 Samhain 1910), nó an Dr. Crippen, mar ab fhearr aithne air, a cuireadh chun báis i bpríosún Pentonville, i Londain Shasana de dheasca gur dhúnmharaigh sé a bhean chéile.

Hawley Harvey Crippen

Beathaisnéis
Breith	11 Meán Fómhair 1862 Coldwater, Michigan
Bás	23 Samhain 1910 48 bliana d'aois Príosún Pentonville, England
Siocair bháis	Pionós an bháis (Crochadh)
Faisnéis phearsanta
Scoil a d'fhreastail sé/sí	Ollscoil Michigan
Gníomhaíocht
Réimse oibre	Míochaine mhalartach
Gairm	hoiméapat, dochtúir leighis
Teangacha	Béarla
Eile
Athair	Myron Augustus Crippen
Ciontaíodh i	dúnmharú

Saol

Rugadh Crippen in Coldwater, Michigan, SAM. Cáilíodh é mar dhochtúir leighis agus ar feadh 28 bliain chleacht sé a ghairm in Detroit, Philadelphia agus i Nua-Eabhrac. Ba i Nua-Eabhrac a casadh air Cora Turner, cailín seacht mbliana déag d'aois.

Sa bhliain 1903 ghlac sé post mar bhainisteoir comhlachta leighis i Londain agus an bhliain dár gcionn phós sé Cora. Tamall gairid ina dhiaidh sin, áfach, thit sé i ngrá le Ethel Le Neve, comhoibrí agus bean dhóighiúil de réir gach cuntais, agus chinn sé ar a bhean chéile a mharú. I mí Feabhra 1910 thug sé miosúr marfach Scopolamine di, srac sé a corp óna chéile agus chuir sé i bhfolach i siléar é.

I mí Iúil tháinig an péas ar an gcorp. Idir an dá linn thug Crippen agus a bhean nua, a bhí gléasta in éide gasúir, a n-aghaidh ar Cheanada ar bord an SS Montrose.

Ar an drochuair, d'aithin duine dá comhphaisinéirí é agus nuair a chuaigh sé i dtír in Québec gabhadh é.

I gcultúr móréilimh

• Bunaíodh Belle, 1961, ceoldráma le Wolf Mankowitz sa Strand Theatre i Londain, ar an chás.
• Rinneadh scannán dar theideal Dr Crippen 1962 den scéal, agus Donald Pleasence ag déanamh pháirt an dochtúra.
• Rinneadh Shadow of the Noose, sraith cláracha de chuid an BBC faoin abhcóide Edward Marshall-Hall, fear a chosain Crippen sa chúirt.

Féach freisin

• J.H.H. Gaute agus Robin Odell, The New Murderer's Who's Who, 1996, Harrap Books, Londain
• The World's Most Infamous Crimes and Criminals. New York: Gallery Books, 1987. ISBN 0-8317-9677-4
• Nicholas Connell, Walter Dew; The Man Who Caught Crippen, Sutton Publishing (2005), ISBN 0-7509-3803-X
• Erik Larson, Thunderstruck. New York, Crown Publishers, 2006. ISBN 978-1-4000-8067-0

Naisc sheachtracha

• SSMontrose etc Curtha i gcartlann 2008-05-13 ar an Wayback Machine
• Dr. Hawley Harvey Crippen: Of Passion And Poison Curtha i gcartlann 2008-02-02 ar an Wayback Machine
• Dr. Crippen: One Night In Camden Curtha i gcartlann 2013-05-07 ar an Wayback Machine
• Crippen mystery remains despite DNA claim - BBC News