Kneecap (scannán)
Scannán Gaeilge is ea Kneecap a léiríonn fás an bhanna ceoil hip-hop as Béal Feirste, Kneecap.[1] Tá baill an bhanna iad féin, chomh maith le Michael Fassbender, le feiceáil sa scannán, a bhfuil idir Ghaeilge agus Bhéarla ann.
| Buneolas | |
|---|---|
| Stiúrthóir | Rich Peppiatt  |
| Príomhcharachtair | |
| Mionsonraí | |
| Tír bhunaidh | Éire agus an Ríocht Aontaithe |
| Céadléiriú | 18 Eanáir 2024 |
| Fad ama | 105 min |
| Bunteanga | an Ghaeilge Béarla |
| Cur síos | |
| Rátáil MPAA | R |
| Suíomh gréasáin oifigiúil | sonyclassics.com… |
 | |
Cheannaigh Sony Pictures Classics an scannán agus bhí sé le feiceáil i bpictiúrlanna ar fud an domhain le linn 2024-2025 dá bharr.[2] Seoladh é i bpictiúrlanna Stáit Aontaithe Mheiriceá ar an 2 Lúnasa 2024 agus in Éirinn ar an 8 Lúnasa.
Achoimre
cuir in eagarScéal an ghrúpa atá sa scannán – cad as ar tháinig siad, cad a spreag iad an chéad lá riamh, cé na cuspóirí a bhí acu agus mar sin díobh.[3] Suite in Iarthar Bhéal Feirste, léiríonn na scannáin an dóigh ar cuireadh tús le Kneecap agus mar a chruthaigh siad a bhfuaim.
Thit an príomhghrianghrafadóireacht amach ar an láthair i mBéal Feirste i mBealtaine 2023.
Léiriú
cuir in eagarScríobh an scannánóir Rich Peppiatt an script do Kneecap, cé nach cainteoir Gaeilge é (bhí a chéad scannán, One Rogue Reporter,[4] le feiceáil ar Netflix in 2014; stiúir sé an físeán do shingil an bhanna Guilty Conscience chomh maith). Ba é Trevor Birney, ón gcomhlacht léiriúcháin Fine Point Films i mBéal Feirste, a bhí i mbun léiriú an scannáin (ba é Birney a léirigh 66 days, scannán faisnéise mór le rá faoi Bobby Sands).[5]
In 2021, roghnaíodh script Kneecap, do ‘Mother Tongue Award’, scéim do scannáin atá i mbun forbartha i dteanga eile seachas an Béarla. Thug Institiúid Scannán na Breataine £810,000 do léiritheoirí Kneecap agus thug Fís Thuaisceart Éireann £810,000 eile dóibh. Fuair maoiniú ó roinnt foras eile – an Ciste Craoltóireachta Gaeilge, Fís Éireann, Coimisiún na Meán agus TG4 ina measc.[6]
Aisteoirí
cuir in eagarTá an banna féin sa scannán (Mo Chara, Móglaí Bap, DJ Próvaí). Chomh maith leo, tá aisteoirí Éireannacha a bhfuil taithí acu, ar nós Michael Fassbender, Josie Walker agus Simone Kirby ann.
Gradaim
cuir in eagarI mí Eanáir 2024, reáchtáladh «première» an scannáin ag Féile Scannán Sundance 2024, an chéad scannán Gaeilge a taispeánadh ag an fhéile riamh. Bronnadh Duais 'Next' an Lucht Féachana ar an scannán ag Sundance.[7][8]
D’éirigh le Kneecap gradaim eile a bhuachan ag Fleadh Scannán na Gaillimhe 2024.
Chuaigh an scannán in iomaíocht ar son na hÉireann do na gradaim Oscar, sa rannóg don scannán idirnáisiúnta is fearr.[9][10]
Tagairtí
cuir in eagar- ↑ "Kneecap | movie | 2024 | Official Clip - video Dailymotion" (en). Dailymotion (2024-01-18). Dáta rochtana: 2024-01-27.
- ↑ Nuacht RTÉ (2024-01-19). "An-ghlacadh le Kneecap ag Féile Scannán Sundance" (as ga-IE).
- ↑ NÓS (2024-01-19). "Scannán Kneecap ceannaithe ag Sony lena eisiúint ar fud an domhain" (ga-IE). NÓS. Dáta rochtana: 2024-01-22.
- ↑ "One Rogue Reporter" (as en) (2023-10-26). Wikipedia.
- ↑ "Michael Fassbender le Gaeilge a labhairt i scannán nua" (ga-IE). Tuairisc.ie. Dáta rochtana: 2023-03-30.
- ↑ Chuir Scáileán Thuaisceart Éireann €450,00o ar fáil do KNEECAP agus fuair sé maoiniú €350,000 ó Údarás Craolacháin na hÉireann agus €205,000 ón Chiste Craoltóireachta Gaeilge.
- ↑ "Gradam mór le rá buaite ag scannán na rapáliathe Gaelacha Kneecap ag féile Sundance" (ga-IE). Tuairisc.ie (2024-01-26). Dáta rochtana: 2024-01-27.
- ↑ Dúirt léiritheoir Kneecap, Trevor Birney, go gcuirtear na mílte scannán isteach ar Sundance agus nach roghnaítear le taispeáint ag an bhféile ach 60 ceann. “Agus as an 60 ceann sin, tá gradam mór le rá buaite againn – tá sé iontach,” arsa Birney. (Tuairisc.ie)
- ↑ "‘Kneecap’ roghnaithe le dul in iomaíocht ar son na hÉireann do na gradaim Oscar" (ga-IE). Tuairisc.ie (2024-08-02). Dáta rochtana: 2024-08-03.
- ↑ an seachtú huair ar cuireadh scannán ina bhfuil an Ghaeilge sa treis ann chun cinn do na gradaim Oscar.