Maróg gheire
Is éard is maróg gheire ann ná maróg a dhéantar as plúr cruithneachta agus geir (go sonrach, an tsaill amh chrua a fhaightear timpeall na nduán i mbó nó i gcaora), go minic le grabhróga aráin, torthaí triomaithe (ar nós rísíní), torthaí leasaithe eile, agus spíosraí. Bíonn sí bruite, galaithe, nó uaireanta bácáilte.
| Bunús | |
|---|---|
| Tír dhúchais | an Ríocht Aontaithe |
| Sonraí | |
| Cineál | maróg |
| Príomh-chomhábhair | geir |
Tá go leor oideas éagsúil ann, idir mhilis agus shaillte. Uaireanta, úsáidtear im nó brioscóir glasra in áit na geire.
Is cineál maróige geire é maróg na Nollag.
Téann an mharóg gheire siar go dtí tús an 18ú haois ar a laghad. Tá oideas do “An excellent Plumb-Pudding” i leabhar cócaireachta le Mary Kettilby dar teideal A Collection of above Three Hundred Receipts in Cookery, Physick and Surgery a foilsíodh in 1714. Is éard atá ann ná “one pound of Suet, shred very small and sifted”, in éineacht le rísíní, plúr, siúcra, uibheacha, agus pinsín salainn; bruitear na comhábhair seo “for four hours at least”.[1][2]
Tagairtí
cuir in eagar- ↑ Lehmann, Gilly (2003). "The British Housewife": 83, 198–199. Totnes: Prospect Books.
- ↑ Kettilby (1714). "A Collection of above Three Hundred Receipts in Cookery, Physick and Surgery; For the Use of all Good Wives, Tender Mothers, and Careful Nurses". Richard Wilkin.