Maria Montessori

Lia agus oideolaí Iodálach ab ea Maria Tecla Artemisia Montessori (31 Lúnasa 1870 – 6 Bealtaine 1952). Aithnítear í as an modh múinteoireachta atá ainmnithe ina diaidh, mar atá oideolaíocht Montessori.

Maria Montessori
príomhoide
Saol
Eolas breithe	Chiaravalle, 31 Lúnasa 1870
Náisiúntacht	Iodáil Ríocht na hIodáile
Bás	Noordwijk, 6 Bealtaine 1952
Muintir
Céile/Céilí	luach ar iarraidh
Páistí	liosta iomláin Mario Montessori
Oideachas
Alma mater	Ollscoil Sapienza na Róimhe
Leibhéal oideachais	Dochtúir Eolaíochtaí
Teangacha	An Iodáilis an Fhraincis
Mic léinn	Helma Trass
Gairm
Gairm	síceolaí, fealsamh, cumadóir, dochtúir leighis, oideolaí, síciatraí, léachtóir, matamaiticeoir, múinteoir agus scríbhneoir
Áit oibre	An Róimh
Fostóirí	Ollscoil Sapienza na Róimhe
Duaiseanna	Officer of the order Orange-Nassau
Ainmníodh é/í le haghaidh	Duais Nobel na Síochána (1949) Duais Nobel na Síochána (1950) Duais Nobel na Síochána (1951)
Ballraíocht	Associazione per la donna (en)
Uirlis cheoil	pianó
Cleamhnú
Reiligiúin	Eaglais Chaitliceach Rómhánach

Beathaisnéis

Rugadh Maria Montessori sa bhliain 1870 in Chiaravalle, cóngarach do Ancona san Iodáil. Den mheánaicme ab ea a tuismitheoirí. Cuntasóir ab ea a hathair. Riail ghéar a bhí i bhfeidhm sa teach agus í ag fás aníos cé go raibh gaol gairid idir ise agus a máthair, a ghéill dá neamhspleáchas. Sa bhliain 1875, thug a tuismitheoirí aghaidh ar an Róimh. Múinteoir an tslí bheatha a bhí ar intinn acu dá n-iníon.

Faoin mbliain 1884, bhí suim láidir á taispeáint ag Maria sa mhatamaitic agus sa chócaireacht, rud nár thaitin lena hathair. Ar scoil di rinne sí staidéar ar an mbitheolaíocht agus rinne sí suas a hintinn dul leis an míochaine. Sa bhliain 1890, thosaigh sí ag déanamh staidéir ar an eolaíocht nádúrtha ag an ollscoil. Bronnadh céim uirthi i 1892. I ndiaidh roinnt deacrachtaí a shárú d'éirigh léi ní hamháin áit a bhaint amach i scoil leighis (teoranta de ghnáth do na fir) ach scoláireacht chomh maith. Cuireadh sin le míshástacht a hathair, nár chuir aon tsuim i rud ar bith a rinne sí as sin amach. D'éirigh roinnt daoine i measc a muintire agus san ollscoil araon naimhdeach ina leith.

Sa bhliain 1896, in aois a 26 bliana, d'éirigh le Maria Montessori a dintiúirí mar dhochtúir leighis a bhaint amach. Bhí sí ar na chéad bhandochtúirí san Iodáil. D'oibrigh sí ar feadh dhá bhliain ina dhiaidh sin i gclinic síciatrach na holscoile agus i gclinicí sa Róimh. Rinne sí staidéar ansin ar iompar páistí "mallintinneacha".

Sa bhliain 1900, shocraigh Montessori ar dul leis an múinteoireacht.

An chéad scoil Montessori, sa Háig, 1915

Naisc sheachtracha

• [Suíomh Association Montessori Internationale, arna rochtain ar 2 Nollaig 2016