Michel Houllebecq

scríbhneoir Francach

Úrscéalaí agus file Francach is ea Michel Houellebecq (1956). Bronnadh Duais Goncourt - an gradam litríochta is airde sa Fhrainc - in 2010 ar a úrscéal La Carte et le Territoire (An Léarscáil agus an Ceantar). Chaith sé seal ina chónaí in Éirinn.

Michel Houellebecq
Infotaula de personaMichel Houllebecq

Cuir in eagar ar Wikidata
Ainm sa teanga dhúchais(fr) Michel Houellebecq
Beathaisnéis
Breith(fr) Michel Thomas
26 Feabhra 1958
66 bliana d'aois
Saint-Pierre (an Fhrainc)
Faisnéis phearsanta
Scoil a d'fhreastail sé/sílycée Chaptal
Institut National Agronomique Paris-Grignon (en) Aistrigh
École nationale supérieure Louis-Lumière (en) Aistrigh (–1981) Cuir in eagar ar Wikidata
Teanga dhúchaisan Fhraincis
Gníomhaíocht
Réimse oibreLitríocht, grianghrafadóireacht, stiúradh scannán agus scríbhneoireacht scannán
Gairmfile, aisteoir, grianghrafadóir, scríbhneoir scripte scannáin, scríbhneoir, úrscéalaí, cumadóir amhrán, scríbhneoir aistí, stiúrthóir scannán, scríbhneoir scripte Cuir in eagar ar Wikidata
Tréimhse oibre1991 –
FostóirTionól Náisiúnta na Fraince (1990–1996)
Logica (en) Aistrigh (1983–)
Ministry of Agriculture and Food (en) Aistrigh Cuir in eagar ar Wikidata
SeánraFilíocht, aiste agus úrscéal
Faoi thionchar
Ainm cleiteMichel Houellebecq Cuir in eagar ar Wikidata
TeangachaAn Fhraincis
Saothar
Saothar suntasach
Teaghlach
MáthairLucie Ceccaldi (en) Aistrigh
Gradam a fuarthas

Suíomh gréasáinmichelhouellebecq.com Cuir in eagar ar Wikidata
IMDB: nm0396391 Allocine: 38401 Rottentomatoes: celebrity/michel_houellebecq Allmovie: p273412 Metacritic: person/michel-houellebecq
Souncloud: michelhouellebecq Last fm: Michel+Houellebecq Musicbrainz: e26c4192-074a-4e36-a432-e29b01772511 Songkick: 342705 Discogs: 31839 Allmusic: mn0000474567 Cuir in eagar ar Wikidata

A saol cuir in eagar

Rugadh é, leis an ainm Michel Thomas, an 26 Feabhra 1956 in La Réunion, oileán Francach san aigéan Indiach. Deir sé ar a shuíomh gréasáin gur chaill a thuismitheoirí aon suim a bhí acu ann go luath ina shaol; d'imigh a mháthair lena leannán go común hipithe sa Bhrasaíl [1]. Agus é cúig mhí d'aois, cuireadh chuig a sheanmháthair ar thaobh a mháthar san Ailgéir é, áit ar fhan sé go dtí go raibh sé bliana d'aois, nuair a seoladh chuig a sheanmháthair ar thaobh a athar sa Fhrainc é. D'fhreastail sé ar Lycée Henri Moisson, meánscoil chónaithe, in Meaux, agus ansin bhain sé céim amach san agranamaíocht. I ndiaidh colscartha agus dúlagair, thosaigh sé ag scríobh filíochta, agus foilsíodh a chéad úrscéal i 1994. In 2004, bhog sé go hÉirinn ar chúiseanna a bhain le cáin, agus chuir sé faoi i Sionainn. In 2010, d'fhill sé ar Pháras, agus an chúis a thug sé ná go raibh fonn air a theanga féin a labhairt ar bhonn laethúil.

A phríomhshaothair agus critic cuir in eagar

Is é príomhábhar a chuid saothar ná uaigneas spioradálta an Eorpaigh ar na saolta seo mar gheall ar an tomhaltachais, an chultúir chorparáidigh san ionad oibre, agus meath na sibhialtachta.

Is é an t-úrscéal Les Particules Élémentaires (Na Buncháithníní), a foilsíodh i 1998, an leabhar is mó cáil dá chuid. Bhuaigh an leabhar an duais litríochta, an "Prix Novembre", sa Fhrainc. D'aistrigh go roinnt teanga eile é, agus bhuaigh an leagan Béarla, Atomized le Frank Wynne, aistritheoir Éireannach, an Duais Liteartha Idirnáisiúnta Bhaile Átha Cliath. Is scéal duairc é faoi bheirt leathdheartháireacha, nach bhfuil ach breacaithne acu ar a chéile, agus ina ndéantar cur síos grinn ar an easpa lúcháire agus an frustrachas ina saol ó lá go lá. In ainneoin an méid ratha a bhí ar an úrscéal, cáineadh go forleathan é mar gheall ar na cuntais bheoga, fiú phornagrafacha, a rinne an t-údar ar chaidreamh collaí.

In 2001, foilsíodh Plateforme, úrscéal conspóideach a raibh an turasóireacht ghnéis mar théama aige. Le linn agallaimh a rinne sé leis an iris Lire, tharraing sé achrann air féin nuair a mhaígh sé gurb é Ioslam "an reiligiún is áiféisí ar domhan" [2]. Shéan sé go láidir ina dhiaidh gurbh Ioslamafóibeach é, agus nach raibh ina chuid tuairimí ach dearcadh fríthreiligiúnach ginearálta. Ba é an scannal seo, a chuir leis an gcinneadh an Fhrainc a thréigean, agus bogadh go hÉirinn.

In 2010, d'fhoilsigh sé an t-úrscéal, La Carte et le Territoire. Is iad na téamaí a léirítear sa saothar seo, de réir an údair ná "dul in aois, an caidreamh idir an t-athair agus an mac, agus ionadaíocht na réaltachta trí na healaíona"[3]. Sa scéal seo, tá an t-údar féin ina charachtar, agus déantar cur síos ar dhúnmharú Michel Houellebecq i Sionainn, agus ar an mbungaló beag suarach a raibh sé ina chónaí ann.

Foilsíodh an t-úrscéal is déanaí dá chuid, Soumission (Géilleadh) in 2015. Samhlaítear san aoir pholaitiúil seo an Fhrainc sa bhliain 2022 agus an bua i dtoghchán na huachtaránachta ag páirtí polaitíochta Moslamach, atá ag cur chun cinn luachanna traidisiúnta agus patrarcacha, agus é sin le tacaíocht ó pháirtí na Sóisialaithe. De thaisme adhfhuafar, seoladh an leabhar ar an 7 Eanáir, an lá céanna a rinneadh na hionsaithe sceimhlitheoireachta ar oifigí Charlie Hebdo[4] .

Tagairtí cuir in eagar