Muireacán mac Diarmada

Rí na Laighean de rítheaghlach Uí Dhúnlainge ba ea Muireacán mac Diarmada (Sean-Ghaeilge Muirecán mac Diarmata) Uí Fhaoláin (bás 863). Diarmaid mac Ruairí (bás 832), rí Oirthear Life, ba ea a athair. Muireadach mac Ruairí (bás 829) ba ea a uncail, agus Ruairí mac Faoláin (bás 785) a sheanathair, iar-ríthe Laigean beirt.

Muireacán mac Diarmada

Is doiléir iad na ríliostaí Laighneacha sa tréimhse seo. Sna ríliostaí le fáil sa Leabhar Laighneach, feictear é i ndeireadh dhá rí a fuair bás ina dhiaidhse (869 agus 885), agus fuair an chéad rí eile sa liosta, Tuathal mac Maoilbhríde, bás sa bhliain 854. Fuair iar-rí eile, Ruarc mac Brain, bás sa bhliain 862. Tugtar réimeas aon bhliain amháin dó, 862 - 863, dá mba fhíor. Molann Francis John Byrne gurb í cúis an mhearbhaill seo ná gur lag a bhí ríthe Uí Dhúnlainge ag an am de bharr cumhacht a gcomharsan, Cearbhall mac Dunlaing (bás 888), rí na nOsraí, cé nach ndearna rí Laigean de féin riamh.

Insítear ina thásc sna hannála don bhliain 863 gur mharaigh Lochlannaigh é. Ní thugtar ann ach an teideal rí an Náis agus Oirthear Life.

Rinneadh ríthe Laigean fosta dá mhic, Domhnall (bás 884) agus Cearbhall (bás 904). Bhí a mhac Máel Mórda (bás 917) ina rí Oirthear Life.

Foinsí

• Corpus of Electronic Texts
  • Annála Uladh, G100001A
  • Leabhar Laighneach, Rig Lagen, G800011A
• Byrne, Francis John (2001), Irish Kings and High-Kings, Baile Átha Cliath: Four Courts Press, ISBN 978-1-85182-196-9

Naisc sheachtracha

• CELT: Corpus of Electronic Texts