Sylvia Plath

B'fhile, úrscéalaí agus gearrscéalaí Meiriceánach í Sylvia Plath. Rugadh i mBostún, Massachusetts í ar an 27 Deireadh Fómhair, 1932 agus cailleadh í ar an 11 Feabhra, 1963 i Londain Shasana tar éis di lámh a chur ina bás féin.

Sylvia Plath
Teach Shylvia Plath i Londain Shasana
Dáta breithe	27 Deireadh Fómhair, 1932
	Bostún, Massachusetts, SAM
Dáta báis	11 Feabhra, 1963
	Londain, Sasana
Ainm cleite	Victoria Lucas
Náisiúntacht	Meiriceánach
Gairm	File, úrscéalaí, gearrscéalaí
Seánra	Filíocht, faoistiniúil
Duaiseanna	Scoláireacht Fulbright, Duais Glascock (1955), Duais Pulitzer don Fhilíocht (1982), Ánracht Woodrow Wilson
Céile	Ted Hughes
Síniú

Clár ábhair

Saol

D'fhreastail sí ar Choláiste Mhic Gabhainn (Béarla: Smith College) in Northampton, Massachusetts, (Sasana Nua), agus ar Choláiste Newnham in Cambridge nuair a bhronnadh an Scoláireacht Fulbright uirthi.

Phós sí an file Ted Hughes sa bhliain 1956. Is minic a bhí míúsáid á dhéanamh sa chaidreamh a bhí eatarthu.

Chuir siad fúthu i Meiriceá, sular bhog go Sasana sa bhliain 1959. Bhí beirt clainne acu: Frieda agus Nicholas.

Bhí fulaingt dhian ag Sylvia Plath leis an ghalar dubhach, agus bhí sí sin, maraon lena hidirscaradh pósta sa bhliain 1962, ar cheann de na príomhchúiseanna lena féinmharú, is cosúil (chuir sí a ceann sa ghásoigheann).

Saothair

An Clogad

Is é An Clogad (Béarla: The Bell Jar) an leabhar is mó le rá de chuid Sylvia Plath. Úrscéal dírbheathaisnéiseach atá sa Chlogad, an t-aon úrscéal dár scríobh Plath riamh. Foilsíodh den chéad uair é sa bhliain 1963 (mí roimh bhás an údair) faoin ainm cleite Victoria Lucas.

B'iarracht é An Clogad a léiriú "cé chomh scaoilte aonrach is a mhothaíonn an té atá i mbun clise néarach... Rinne mé iarracht samhail a tharraingt de mo shaolsan agus de na daoine atá ann de réir mar a bhfeicfear duit iad agus tú ag faire orthu trí ghloine chlogaid, agus í sin ag feidhmiú mar lionsa a chuireann íomhánna as a riocht".

curtha i Heptonstall, Yorkshire