Aerfort na Sionainne

Aerfort is ea Aerfort na Sionainne. Tá sé suite ar inbhear na Sionna i gContae an Chláir i Rinn Eanna, 15km ó Chathair Luimnigh.

WD Bosca Sonraí Foirgneamh Aerfort na Sionainne
IATA: SNN OACI: EINN
Ainmnithe in ómós	Sionainn
Sonraí
Cineál	Aerfort idirnáisiúnta agus aeradróm tráchta tráchtála
Foirgníocht	1942
Áit ar a bhfreastalaíonn an mol iompair	Luimneach
Tréith
Staid úsáide	in úsáid
Airde os cionn na farraige	46 ft
Rúidbhealach Ábhar foirgníochta 06/24 3,199 m 45 m asfalt 13/31 1,720 m 45 m asfalt
Suíomh geografach
Limistéar riaracháin	Sionainn, Éire
52° 42′ 07″ N, 8° 55′ 29″ O
Gníomhaíocht
Úinéir	Rialtais na hÉireann
Oibreoir	Shannon Development (en)
Cuairteoirí	1,418,084 (2022)
Suíomh gréasáin oifigiúil	shannonairportgroup.ie

Aerfort idirnáisiúnta is ea é, agus eitiltí uaidh go dtí Meiriceá chomh maith leis an Eoraip. Tá an t-aerfort in ann déileáil le suas le 5000 paisinéir in aghaidh an lae.

Bhí tábhacht mór leis an aerfort sna 1940idí - 1960idí, mar go raibh an aerfort ar na cinn is gaire san Eoraip do Mheiriceá Thuaidh.

Aerfort na Sionainne

An Eastát Gaelach, Corrbhaile sa bhliain 2007. Tógadh na tithe príobháideacha le linn na 1940idí agus bhí go leor as Aerfort na Sionainne ina gcónaí ann i rith na blianta.

Stair

D'fhás an aerthrácht trasatlantach le linn an chogaidh agus ba é cósta thiar na hÉireann an áit Eorpach ba chóngaraí do Mheiriceá Thuaidh.

Faing

Thuirling na báid eitilte idir Sasana agus SAM i bhFaing, 30km siar ar Bhéal na Sionainne agus, níos déanaí, na heitleáin i Rinn Eanaigh (anois Aerfort na Sionainne), 25km siar ar an mbruach thuaidh.

1940idí

Osclaíodh an t-aerfort ar 14 Meán Fómhair 1945. Osclaíodh an chéad siopa saor ó cháin ar domhain ann sa bhliain 1948 chun freastail ar phaisinéirí a bhí ar a mbealach idir An Eoraip agus Meiriceá Thuaidh. Fostaíodh mórán oibrithe i seirbhísí nua ar nós áth-bhreoslacháin, deisiú eitleán, meitéareolaíocht, stiúir aerthráchta agus lónadóireacht.

Baile na Sionna

Tógadh baile nua ar a dtugtar An tSionna nó Baile na Sionna faoi rialtas Sheáin Lemass. Rinn Eanna a bhí ar an mbaile fearainn seo i gContae an Chláir roimhe sin. Bhí tógáil an bhaile ceangailte le tógáil Aerfort na Sionna, agus ar ndóigh tugann an aerfort fostaíocht dona lán de mhuintir an bhaile i gcónaí. Bhí 9,673 duine ina gcónaí sa bhaile sa bhliain 2011.

Timpistí

• 5 Meán Fómhair 1954. Eitilt KLM 633 ó Amstardam go Nua-Eabhrac. D'éag 28 duine.
• 14 Lúnasa 1958 – Lockheed Super Constellation KLM Flight 607-E. D'éag 99.

• 26 Feabhra 1960 – Thuairteáil eitleán de chuid Alitalia i reilig i mBaile na Sionna go gairid i ndiaidh Aerfort na Sionainne a fhágáil ar a bhealach go Nua-Eabhrac. Fuair 34 duine bás as na 52 duine a bhí ar bord.
• 10 Meán Fómhair 1961 – Douglas DC-6, President Airlines. D'éag 83.

Geilleagar

Tugann an t-aerfort fostaíocht dona lán de mhuintir sa cheantar. Mar sin, b'ábhar conspóide é in Éirinn (go háirithe san iardheisceart) nuair a d'fhógair Aer Lingus i mí Lúnasa, 2007, go raibh sé ag bogadh a chuid eitiltí idir Aerfort na Sionainne agus Aerfort Heathrow i Londain go dtí Aerfort Idirnáisiúnta Bhéal Feirste, áit atá siad ag bunú mol nua don aerlíne. I mí Aibreáin 2009 thosaigh Aer Lingus ag eitilt chuig Heathrow ó Aerfort na Sionainne arís de bharr mórán conspóide.

Taisteal

Is príomhbhóthar náisiúnta é an N19, ón N18 (Luimneach-Inis-Gaillimh), go dtí an tAerfort. Téann cúrsa N18 trí Inis, agus tá sé cóngarach d'Aerfort na Sionainne freisin.Bíonn trácht as Gaillimh agus Luimneach go Aerfort na Sionainne ar an N18 agus N19 agus mealltar roinnt turasóireacht ghinearálta freisin.

Antonov 225

Eachtraí

• Stop an Antonov 225 in aerfort na Sionainne in 2013, agus arís in 2015. Bhí na mílte in aerfort na Sionainne chun an Antonov 225 a fheiceáil. Níl aerfort ar bith eile in Éirinn mór go leor don Antonov 225.

Aerlínte agus ceannionaid

Aerlínte	Ceannphointí
Aer Lingus	Baile Átha Cliath, Boston, Londain-Heathrow, Nua Eabhrac-JFK
Air Transat	Torontó-Pearson [séasúrach]
Continental Airlines	Newark
Delta Air Lines	Nua Eabhrac-JFK [séasúrach]
Ryanair	Dún Éideann, Learpholl, Londain-Gatwick, Londain-Stansted, Málaga, Nantes [séasúrach], Palma de Mallorca [séasúrach], Páras-Beauvais, Tenerife-South, Wrocław
Thomson Airways	Lanzarote [ag tosú 3 Bealtaine; séasúrach], Palma de Mallorca [ag tosú 4 Bealtaine; séasúrach]

Féach freisin

• KLM Eitlit 607-E, 1958