Bríd Rodgers

Is iar-pholaiteoir Éireannach í Bríd Rogers a rugadh i nGaoth Dobhair, Contae Dhún na nGall , ach a bhí gníomhach ó thaobh na polaitíochta de i dTuaisceart Éireann, áit a raibh sí ina Leas-Cheannaire ar an Pháirtí Sóisialta Daonlathach an Lucht Oibre (PSDLO nó SDLP) agus ina Ball de Thionól Thuaisceart Éireann don Bhanna Uachtarach.

Bríd Rodgers
Aire Talmhaíochta agus Forbartha Tuaithe
In oifig 2 Meán Fómhair - 1999 – 14 Deireadh Fómhair-2002
Réamhtheachtaí:	Cruthú nua
Comharba:	Michelle Gildernew
Comhalta den Tionól Reachtach don Bhanna Uachtarach
In oifig 25 Meitheamh 1998 – 26 Samhain 2003
Réamhtheachtaí:	Cruthú nua
Comharba:	Dolores Kelly
Seanadóir sa 17ú Seanad Éireann
In oifig 23 Feabhra, 1983 - 25 Aibreán 1987.
Dáta breithe	20 Feabhra 1935
Áit bhreithe	Gaoth Dobhair, Contae Dhún na nGall, Éire
Dáta báis	beo
	--
Páirtí	Páirtí Sóisialta Daonlathach an Lucht Oibre
Gairm	Ar scor
Céile	Antoin Rodgers

Gníomhréim pholaitiúil

Cuireadh oideachas foirmiúil uirthi i Muineachán agus i gColáiste na hOllscoile, Baile Átha Cliath, agus bhí chónaí uirthi i dTuaisceart Éireann ó 1960ar aghaidh. Bhí baint aici leis an Ghluaiseacht Chearta Sibhialta ó 1965.

Bhí sí ar dhuine de bhunaitheoirí an PSDLO, agus ceapadh ina Cathaoirleach í sa bhliain 1978 agus ina hArd-Rúnaí sa bhliain 1981. Sa bhliain 1983 d'ainmnigh an Taoiseach Gearóid Mac Gearailt í chuig Sheanad Éireann, agus d'fhreastal sí ann go dtí 1987. Bhí Rodgers ina ceannaire ar fhoirn an PSDLO sna cainteanna a ba chúis le Chomhaontú Aoine an Chéasta.

Toghadh í do Thionól Thuaisceart Éireann do toghcheantar na Banna Uachtaraí i Meitheamh 1998. Ceapadh í do chéad Fheidhmeannacht Thuaisceart Éireann i mí na Samhna 1999 mar Aire Talmhaíochta agus Forbartha Tuaithe , agus d'fhan sí sa phost sin go dtí gur cuireadh an Fheidhmeannacht ar fionraí, Deireadh Fómhair 2002.

Ceapadh í ina leas-cheannaire ar an pháirtí i mí na Samhna 2001. sheas sí siar mar Chomhalta den Tionól Reachtach ag toghcháin an Tionóil, Samhna 2003, agus mar leas- cheannaire i mí Feabhra 2004, nuair a tháinig a hionadaí Alasdair McDonnell i gcomharbacht uirthi.

Saol pearsanta

Ta Rodgers pósta agus seisear páistí aici. Tá cianghaol aici leis an drongadóir Gael-Mheiriceánach Uinseann Ó Colla. Labhraíonn sí Gaeilge, Béarla agus Iodáilis.