Harvey Milk

Polaiteoir Meiriceánach ab ea Harvey Bernard Milk (22 Bealtaine 1930 – 27 Samhain 1978). Bhí sé ionad aige ar Bhord Mhaoirseoirí San Francisco, an chéad duine LADT a toghadh do oifig phoiblí i gCalifornia. Níorbh iad an pholaitíocht agus gníomhaíocht aerach na haon suim dá raibh aige: Bhí 40 bliana slánaithe aige sula ndeachaigh sé le ceachtar den dá rud. Chuaigh frithchultúr na seascaidí go háirithe i bhfeidhm air.

Harvey Milk

(1978)
Beathaisnéis
Breith	(en) Harvey Bernard Milk 22 Bealtaine 1930 Woodmere, New York
Bás	27 Samhain 1978 48 bliana d'aois San Francisco, California
Siocair bháis	Dúnbhású (Tráma balaistíoch)
Áit adhlactha	San Francisco Columbarium (en)
Faisnéis phearsanta
Reiligiún	An Giúdachas
Scoil a d'fhreastail sé/sí	Ollscoil Stáit Nua-Eabhrac, Albany Bay Shore High School (en)
Áit chónaithe	San Francisco
Teanga dhúchais	Béarla
Gníomhaíocht
Gairm	oifigeach cabhlaigh (1962–1964), gníomhaí ar son chearta an duine, polaiteoir, gníomhaí ar son cearta daoine LADT
Tréimhse oibre	1951 –  1978
Ball de pháirtí polaitíochta	an Páirtí Daonlathach
Teangacha	Béarla
Gairm mhíleata
Brainse míleata	Cabhlach na Stát Aontaithe
Céim mhíleata	lieutenant (junor grade) (en)
Coinbhleacht	Cogadh na Cóiré
Croineolaíocht
	Moscone–Milk assassinations (en)
Gradam a fuarthas (2009)  Bonn Saoirse an Uachtaráin (2009)  California Hall of Fame (en)
Suíomh gréasáin	harveymilk.com

Chuir Milk 11 mhí isteach in oifig agus bhí sé freagrach as dhlí dhian i bhfeidhm le cearta LADT a chosaint sa chathair úd. Ar 27 Samhain 1978, d'fheallmharaigh Dan White Milk agus an Méara George Moscone. Maoirseoir eile de chuid San Francisco a bhí in White, a bhí i ndiaidh éirí as a phost ar bhord na cathrach agus a raibh teip ar a iarracht chun an post a fháil ar ais.

In ainneoin giorracht an ama a chaith sé in oifig, d'éirigh Milk ina íocón in San Francisco agus ina martíreach. Sa bhliain 2002, rinneadh cur síos ar Milk mar "an t-oifgeach LADT is cáiliúla agus is suntasaí dár toghadh riamh sna Stáit Aontaithe."

Beathaisnéis

Rugadh Milk in Woodmere, Queens, Nua-Eabhrac, do thuismitheoirí Giúdacha de shliocht Liotuánach. Bhíodh pháistí eile ag spochadh as go minic mar gheall ar a dhá mhórchluas, a shrón mhór agus na spága de chosa a bhí aige. D'imir sé peil Mheiriceánach ar scoil dó agus bhí dúil a anama aige sa cheoldráma. Thuig sé mar dhéagóir gur homaighnéasach é féin ach choimeád sé é sin i gceilt. D'fhreastail sé ar Ollscoil Stát Nua-Eabhrac in Albany agus bhain sé céim bhaitsiléara amach sa Mhatamatic.

Harvey (ar dheis) agus a dheartháir sa bhliain 1934

Le linn Chogadh na Cóiré sna luath 1950idí, bhí ar seirbhís i gCabhlach na Stát Aontaithe ar bord an USS Kittiwake, fomhuireán, agus mar theagascóir tumadóireachta. I ndiaidh an chogaidh d'éirigh sé mór le cúpla fear eile agus d'oibrigh sé mar staitisteoir i gCathair Nua-Eabhrac. Chaith sé tamall in Dallas, Texas freisin, sular chuir sé faoi in San Francisco. Sa bhliain 1971 chuir seisean agus a chomrádaí siopa ceamaraí ar bun leis na $1,000 dollar deireannacha a bhí fágtha acu.

Naisc sheachtracha

• Suíomh an Milk Foundation. Arna rochtain ar 3 Nollaig 2016