Idir Shúgradh agus Dáiríre

Cnuasach gearrscéalta Gaeilge leis an scríbhneoir Éireannach Máirtín Ó Cadhain a d'fhoilsigh Oifig an tSoláthair sa bhliain 1939 é Idir Shúgradh agus Dáiríre. Cuid de luathshaothair an Chadhanaigh atá i gceist dar le roinnt léirmheastóirí.

Scéalta an chnuasaigh

• Idir Shúgradh agus Dáiríre (gearrscéal)
• Píopa tobac
• Leatrom na cinniúna
• Culaith le cois
• Má chaill mé Báire, ghnóthaigh mé Báire
• Aois na hóige
• Fóide Cnapánacha Carrach Uachtar an Bhaile
• Mac Rí na nDeachmann
• Gan an craiceann ná a luach
• Gan Murcha gan Mánas

Aistriúcháin

Aistríodh cuid de scéalta an chnuasaigh go Béarla sa leabhar The Road to Brightcity (Leagan de An Bóthar go dtí an Ghealchathair) le hEoghan Ó Tuairisc. D'fhoilsigh Poolbeg Press as Baile Átha Cliath sa bhliain 1981 é.

Leabhair bunaithe ar an saothar

Scríobh Séamas Ó Murchú an leabhar Liosta focal as Idir Shúgradh agus Dáiríre a bhailíonn leaganacha canúnacha agus focail nach bhfuil eolas maith orthu orthu. Foilsíodh an leabhar sa bhliain 1982 ag Acadamh Ríoga na hÉireann i mBaile Átha Cliath.