Jim Stynes

Fear spóirt agus daonchara Éireannach ab ea James "Jim" Stynes, OAM (23 Aibreán, 1966 – 20 Márta, 2012). Peileadóir Gaelach a bhí ann ina óige, agus é ag imirt leis an gclub Baile Buadáin Naomh Éanna agus foireann mhionúir Bhaile Átha Cliath. Sa bhliain 1984, bhí Stynes ar dhuine de na céad peileadóirí a thapaigh an deis chun peil Astrálach a imirt san Astráil, agus bhain sé clú agus cáil amach ag imirt ag leibhéal is airde an chluiche.

Jim Stynes

Beathaisnéis
Breith	23 Aibreán 1966 Baile Átha Cliath, Éire
Bás	20 Márta 2012 45 bliana d'aois St Kilda, Victoria
Siocair bháis	Bás nádúrtha (Meileanóma)
Faisnéis phearsanta
Scoil a d'fhreastail sé/sí	Ollscoil RMIT Coláiste De La Salle, Baile an Teampaill
Áit chónaithe	Collingwood St Kilda
Gníomhaíocht
Gairm	imreoir peile Astrálaí, imreoir peile Gaelaí, imreoir rugbaí
Teangacha	Béarla
Spórt	peil Astrálach
Gníomhréim   Foireann – Melbourne Football Club (en) – Prahran Football Club (en)
Gradam a fuarthas (11 Meitheamh 2007)  Bonn Ord na hAstráile (2003)  Australian Football Hall of Fame (en) (1 Eanáir 2001)  Bonn Comórtha Céad Bliain (2 Samhain 2000)  Bonn Spóirt na hAstráile (1991)  Corn Leigh Matthews (1991)  Bonn Brownlow

Chuaigh Stynes go mór i gcion ar phobal na hAstráile, ar mhuintir Mhelbourne ach go háirithe - mar shárimreoir agus mar gheall ar an obair charthanachta a bhí á dhéanamh aige taobh amuigh den ghort imeartha.

D'éag Jim Stynes de bharr ailse, tar éis streachailt phoiblí in aghaidh an ghalair sa bhliain 2012. Bronnadh sochraid stáit air, mar aitheantas ar an méid a bhain sé amach san Astráil.